Te fundit
Spiropali përkujton Ismail Qemalin në ditëvdekjen e tij...
24 Janar 2025, 20:24Politika
TEMA
"Kujtojmë sot, në 106-vjetorin e ndarjes nga jeta, Ismail Qemalin, themeluesin e Shqipërisë së pavarur.
Shumë është folur e do të flitet për Ismail Qemalin, por sot do të doja të shquaja një fakt, në pamje të parë episodik, por me shumë rëndësi në mozaikun e aventurës politike të njërit ndër më të shquarit burra shteti të kombit tonë.
Në kujtimet e tij të botuara në 1920 në Londër, duke përshkruar ngjarjet plot me të papritura të Perandorisë në vitet 1908-1909, gjejmë një pasazh interesant mbi karrierën e tij politike:
“Pak më vonë mbërriti Kryesekretari, i cili solli Hatt-in, të shoqëruar me ceremonialin e rastit. Menjëherë pas kësaj u hap seanca, tani me deputetë të tjerë, përveç gjashtëdhjetë të parëve, dhe unë u zgjodha njëzëri Kryetar i Dhomës së Deputetëve dhe zura vend në drejtim”!
Ishte një detyrë, e cila për shkak të dramaticitetit dhe vrullit të ngjarjeve të asaj kohe, zgjati shumë pak, por që ka domethënien e vet historike.
Ismail Qemali ishte i pari personalitet politik me origjinë shqiptare që zgjidhet Kryetar Kuvendi, qysh prej kohës që filozofi francez Monteskie kishte hedhur idenë e ndarjes së pushteteve.
Historia e tij politike paraprin shumë dhimbje të jetës politike shqiptare, pas largimit të tij nga qeveria në 1914. I provoi të gjitha dramat e persekutimit politik: arrestimin, internimin, dënimin me vdekje. Por asgjë nuk e ndaloi të frymëzonte, organizonte dhe shpallte Pavarësinë e Shqipërisë.
Përvoja e tij dinjitoze politike dhe administrative si Guvernator i pesë provincave, Sekretar Shteti dhe Kryetar Kuvendi, i kishin dhënë të gjitha atributet që të pranohej njëzëri nga të gjithë atdhetarët shqiptarë si demijurgu i Shqipërisë së Pavarur.
Kujtimet dhe shkrimet rreth këtij personaliteti të jashtëzakonshëm nxjerrin në pah një përmasë të fisme e madhore të karakterit të tij: edukimin me dashurinë për atdheun më të cilën ushqeu fëmijet e tij, por edhe gjithë shqiptarët, dhe bujaria që dëshmoi në zanafillën e shtetit tonë, duke shpenzuar të ardhurat e tij familjare për nevojat dhe punët e shtetit.
Po kaq vëmendje na sjell ky përvjetor edhe për orientimin politiko-kulturor evropian të Ismail Qemalit.
“Im atë, i cili kishte marrë arsimim evropian, …donte, qysh kur isha i vogël, të ushqente tek unë zell dhe shije për kulturën evropiane”!" - shkruan ajo në facebook.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
hapu dhe ,ca di kjo zgjebsja per Ismail Qemalin......
Edi Rama e 'Orangutanget' e ushkureve te Tij, jane kembengules ne kremtimin vetem e vetem te DateVdekjeve te Heroit Kombetar Gjergj Kastrioti - Skenderbeu (DateLindje 5 mars 1405 - DateVdekje 17 janar 1468) si dhe te Shpallesit te Pavaresise e Kryeministrit te Pare te trojeve shqiptare, Ismail Qemali (DateLindje 16 janar 1844 - DateVdekje 24 janar 1919). ------------ Si shpjegohet qe, ketyre dy figurave me te medha te Historise Kombetare, te fiksura edhe nga Historiografia Boterore, keta 'Orangotange' te VETESHPALLUR "RILINDAS"
na qelbet me kte turkarabin me mjeker. Arberia ka vetem nje mbret, Gjergj Kastriotin.
o kush ka mbetur per te kujtuar evenimentet e kombit,mor zot ? Gjithe llumi i semaforeve te europes...