Te fundit
“Strategjia e opozitës, e gabuar! Jeni në rrugën e duhur për të shkrirë partinë”, Shabani: Ju përplaseni, Rama fërkon barkun
1 Nëntor 2024, 15:52Politika
TEMA
Endri Shabani nga “ Nisma Thurje” tha se strategjia që ndjek opozita është e gabuar, pasi duke protestuar për Sali Berishën dhe Ilir Metën, këto nuk janë halle të shqiptarëve.
Shabani tha në rubrikën “Opinion” në News24 se nëse protestohet për pensionet, nëse protestohet kundër krimit, këto janë halle të qytetarëve, por të protestosh për arrestimin e Berishës dhe Metës, që nuk duhet të jenë as halle të partive politike, jo më të shqiptarëve, atëherë vetëm rrudhesh, nuk rritesh në elektorat.
“Kjo strategji e opozitës i shërben Edi Ramës. Njerëzit që flasin në emër të PD-së e rrudhin edhe më shumë PD”, tha Shabani. Sipas tij, nuk mund të thotë PD që do të bëhemi si jelekverdhët në Francë, pasi ato së pari nuk janë parti politike, pra nuk kanë alternativë.
“Opozita është alternativë, por duhet të krijojë besim te shqiptarët. Shumica e shqiptarëve është kundër Edi Ramës, çështja është që si të bësh për vete këtë shumicë, që Rama të dalë pakicë”, tha Shabani.
Sipas tij, edhe bllokimi i rrugëve më shumë krijoi përplasje mes protestuesve dhe qytetarëve që mbetën të bllokuar se sa simpati, apo mbështetje. “E kuptoni që kur ju përplaseni me qytetarët, Edi Rama fërkon barkun”, tha Shabani.
Por deputeti Edmond Spaho tha se problemi nuk është opozita, edhe pse disa e shohin opozitën sikur ajo është problemi i vendit. “Këtu nuk ka demokraci, pavarësisht se disa ambasadorë na flasin për demokraci funksionale. Këtë lloj demokracie të ambasadorëve e pamë në Shkodër”, tha Shabani.
Shabani në replikë me Spahon i tha “mirë, jeni në rrugën e duhur, vazhdoni siç e keni nisur dhe shkrijeni atë parti”.
“Unë kam mbajtur pjesë në zgjedhjet e 2021 dhe qëndrimi im nuk ka ndryshuar as ndaj Ramës, Berishës, Ilir Metës dhe Lulzim Bashës. Ju keni ndryshuar, njëherë me Bashën, pastaj me Berishën. Por problemi im ose i yni është se Edi Rama ka krijuar një qeverisje me oligarkët dhe krimin, por këtë nuk e rrëzon dot alternativa e Sali Berishës”, tha Shabani.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Muli mjek.....nuk punoj kurre....roje tek Selia e PeDe - s.......sot MILARDIER
Kjo foto ku shihen deputetet e PD-ke me Flamur Noken duke u shtyjtur me policine,eshte bere qellimisht qe t'i shikoi Saliu nga dritarja dhe t'i regjistroi ne listen e te pavotuareve (mbyllur) nga populli,se po u futen ne listen e hapur,ja hengren mutin deputetllekut,nuk i voton njri keta felliqesira.