Te fundit
VIDEO/ Berisha thotë se nuk kërcënon mediat; Artan Hoxha zbulon taktikat se si ish kryeministri i lufton ato
27 Shtator 2024, 12:29Politika
TEMA
Në një intervistë ekskluzive për gazetën TemA, gazetari Artan Hoxha ka zbuluar edhe taktikën që ish-kryeministri ndjek në përpjekjen e tij për t’i luftuar mediat.
Hoxha iu referua disa deklaratave, ku Berisha pretendon se nuk i ka kërcënuar mediat, të cilat kanë raportuar në lidhje me hetimin e SPAK mbi përfshirjen e tij në afërën ‘Partizani’. Ai tha se ish-kryeministri ndjek të njëjtën strategji që ka ndjekur gjithmonë, e cila përfshin barrikadimin e mediave, selektimin e atyre të cilat janë më kritike ndaj tij, për të përfunduar me goidtjen një nga një të secilës prej tyre.
“Beteja e Berishës… Unë mendoj që ai përdor të njëtën formë që ka përdorur edhe në të kaluarën. Sa herë që del dhe thotë ‘unë nuk i kërcënoj mediat,’ në fakt gjëja numër një që bën Berisha [është që] i barrikadon mediat. I ndan në pro dhe kundra sepse do t’i ketë një pjesë aleatë edhe në atë luftën që [mediat] bëjnë me njëra-tjetrën. Pasi i përçan, mundohet të selektojë më problematikët. Pra, ata që mund t’i prishin më shumë punë në imazhin publik. Dhe, pasi i selekton këta, fillon goditjen. I qëmton dhe fillon goditjen një nga një. Pra, së pari, ai do të të heqi nga ajo tufa e madhe. Do ta përgjysmojë tufën. Në momentin që e përgjysmon tufën, bën disa goditje të tjera që tufa të shpërbëhet dhe pasi e ka shpërbërë, mundohet që t’i lajë hesapet ose t’i qërojë hesapet – po përdor termat e zhanrit me të cilin merrem përditë – pra, t’i qërojë hesapet një nga një.” tha Hoxha.
Ndërkaq, në lidhje me po të njëjtën temë, Hoxha u shpreh se Berisha ka rënë viktimë e një sistemi që ka ngritur vet, pasi është pikërisht ish-kryeministri, i cili publikon gjithçka që i vjen nga ‘qytetari digjital.’
“Ajo që thotë Berisha është e drejtë. Gazetarët nuk duhet të publikojnë vetëm akuzën e prokurorit, por duhet të marrin edhe vendimin e palës tjetër. Por, ne jemi Ballkan dhe këtë standartin që e kërkon Berisha për vete, me të drejtë, s’e ka kërkuar për të tjerët. Sot Berisha është viktimë e një sistemi që e ka ngritur vet. Është njeriu që merr dhe lexon çdo rresht atje. Publikon çdo gjë që i vjen nga qytetari digjital. Pra, bën diskreditimin e gjithkujt dhe për fat të keq, sot ka rënë vet viktimë e këtij sistemi,” tha Hoxha.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pike per pike ate qe shohim ne realitet. Rasti i Bolinos eshte me tipiku! Po Saliu eshte njeri primitiv dhe hakmarres nuk do ti ece perhere kjo taktike prej shpellari sidomos kur ka perballe njerez te mencur!
"Për fat të keq sot ka rënë vetë viktimë e këtij sistemi?!-habit Hoxha. Jo mo jo, duhet thënë për fat të mirë dhe jo viktimë, por që, për shkak të Karmës, e meriton. Jeta e tij, është e mbushur plot ligësi, ose më mirë me thënë që ka qenë dhe është ligësia vetë. Mesa duket Sa-lehu, i ka harruar shprehjet e urta: "Ç'të kërkosh do gjesh!", dhe se "Në këtë dynja lahen të gjitha!". Dhe kështu, më mirë që e pa qysh në gjallje fundin e tij të merituar. Sipas meje, ky është dhe dënimi më i madh për të.
Saliu ka marre rrugen me vrap per ne esfel te gomereve. Fundi i tij eshte i merrituar. Po e shijon ngadale nongrata shkurjen drejt ferrit. Harram qumeshti i nenes or plak kriminel dhe hajdut. Rrofte Amerika qe na e hoqi qafenkete farevte keqe.