Brnabiç nuk pranon njohjen e Kosovës në këmbim të BE-së

Në seancën e miratimit të përbërjes së qeverisë së re në kuvendin e Serbisë, kryeministrja Ana Brnabiç, ka deklaruar se Serbia nuk do ta njohë kurrë Kosovën e as në këmbim të anëtarësimit në Bashkimin Europian.

“Ne nuk do të pajtohemi për gjithçka që të jemi pjesë e BE-së, por në aspektin e demokracisë, sistemit politik, ai është më i miri për qytetarët tanë.

Mbetemi të përkushtuar për dialogun me Prishtinën, por se para çdo marrëveshjeje, krejtësisht natyrshëm dhe logjikisht, duhet të zbatohet plotësisht themelimi i Bashkësisë së Komunave Serbe, me të gjitha kompetencat qe rrjedhin nga Marrëveshja e Brukselit pa vonesa të mëtejshme, sepse kanë kaluar gati 10 vjet nga nënshkrimi zyrtar”.

Brnabiç përsëriti edhe një herë ftesën për Kosovën që të bëhet pjesë e Ballkanit të Hapur.

“Ne do të bëjmë përpjekje maksimale për të ruajtur paqen, për të vijuar ndërtimin e një rajoni më të lidhur, më të hapur ekonomikisht, më të qëndrueshëm dhe më të begatë. Ne do të vijojmë që të punojmë për ta zgjeruar nismën e Ballkanit të Hapur dhe shpresoj që Mali i Zi dhe Bosnje-Hercegovina do të bashkohen zyrtarisht me ne së shpejti.

E përsëris edhe një herë se kjo iniciativë është e hapur edhe për Prishtinën, sepse duam që të sigurojmë një dialog për temat më të rëndësishme për cilësinë e jetës së të gjithë njerëzve në këtë rajon, dhe rrjedhimisht për sigurinë e serbëve në Kosovë”.

Sipas Brnabiç në dy vitet e fundit, tetë vende të tjera i kanë dorëzuar Serbisë tërheqjen e njohjes së pavarësisë së Kosovës.

Në Kuvendin e Serbisë, gjatë debatit për qeverinë e re, për pak sa nuk ka pasur përleshje fizike mes deputetëve të Partisë Popullore dhe Partisë Progresive Serbe ku deputetët u ngritën nga vendet e tyre dhe u mjaftuan në fund vetëm me fyerje ndaj njëri-tjetrit.

Vuçiç pas telefonatës me Ramën dhe Kovaçevskin: Një Ballkan i hapur do të thotë paqe, së bashku jemi më të fortë

13:16 Rajoni 2 komente

Lista Serbe kërkon takim urgjent me Vuçiçin për shkak të targave

12:02 Rajoni

Ku janë bazat ushtarake serbe pranë Kosovës?

09:33 Rajoni 2 komente

SHBA pret marrëveshje për targat në Kosovë, Albin Kurti nuk tërhiqet

21:30 Rajoni 4 komente

Ish-kryediplomati izraelit: Nëse Rusia fiton në Ukrainë, Ballkani vihet në rrezik

21:00 Rajoni

300 të armatosur në Veri, raportet e inteligjencës zbulojnë grupin paramilitar

20:22 Rajoni 1 koment

Vuçiç: Shpresoj për marrëveshje për luftën në Ukrainë, por kam frikë se do përkeqësohet

16:44 Rajoni

"Shumica e serbëve janë gati për protesta dhe mosbindje civile pas 31 tetorit"

14:57 Rajoni 1 koment

Kurti i vendosur: Nuk do të ketë shtyrje të afatit për targat

12:28 Rajoni 6 komente

DASH: Shpresojmë një marrëveshje Kosovë-Serbi për targat në ditët në vijim

11:40 Rajoni