FOTO: AK-47, karikatorë, municione dhe elektroshok, zbulohet baza e armëve në shtëpinë e një serbi në Zveçan

Policia e Kosovës njofton se ka gjetur dhe sekuestruar një sasi të konsiderueshme armësh dhe municionesh si dhe materiale të tjera luftarake në një banesë, në fshatin Zveçan i vogël.

Sipas njoftimit të policisë, ata kanë marrë informacione se në Zveçanin e vogël, në një shtëpi dyshohet për armë ilegale. Menjëherë ata kanë organizuar aksionin e tyre dhe gjatë kontrolleve në këtë banesë ata kanë gjetur dhe konfiskuar në tavanin e saj dy armë zjarri AK-47, disa karikatorë, një sasi e municionit dhe një elektroshok.

Policia  e Kosovës deklaron gjithashtu se banesa i përket një shtetasi serb, i cili aktualisht ndodhet në Serbi, ndërsa ka nisur hetimet për zbardhjen e plotë të kësaj ngjarjeje.

Njoftimi i policisë:

Policia e Kosovës, me datën 21.04.2024 rreth orës 10:30, si rezultat i angazhimeve të saja ka pranuar një informacion se në Zveçanin e vogël, në një shtëpi dyshohet për armë ilegale.

Sipas detyrës zyrtare është njoftuar prokurori kujdestar, me autorizim të të cilit zyrtarët policorë sipas procedurave të parapara kanë realizuar një operacion të kontrollit të një shtëpie, në tavanin e së cilës janë gjetur dhe konfiskuar dy armë zjarri AK-47, disa karikatorë, një sasi e municionit dhe një elektroshok.

Policia  e Kosovës posedon informacione lidhur me personin e dyshuar mashkull serb të cilit i përket shtëpia e banimit, e i cili dyshohet se gjendet në Serbi.

Vlen të potencohet se ky rast nuk ndërlidhet me procesin e votimit, për apo kundër largimit nga funksioni i Kryetarëve të Komunave të Mitrovicës së Veriut, Zubin Potokut, Leposaviqit dhe Zveçanit.

“Po bashkëpunon hapur me Kurtin”, Shqiprim Arifi flet pas shkarkimit: Prej kohësh, Vuçiç kërcënon shqiptarët e Luginës së Preshevës

11:25 Rajoni 7 komente

Zgjedhje në veri të Kosovës, votohet për largimin nga detyra e kryetarëve shqiptarë në katër komunat me shumicë serbe

09:27 Rajoni 1 koment

Gjykata Kushtetuese kroate: Presidenti Milanoviç nuk mund të kandidojë për kryeministër

20:30 Rajoni

Prona, banesa, makina... por edhe kredi! Zbulohet pasuria e Vjosa Osmanit, Albin Kurtit dhe Glauk Konjufcës

20:19 Rajoni 3 komente

Shkarkohet nga detyra kryetari i Komunës së Preshevës, Shqiprim Arifi

19:39 Rajoni 1 koment

“Kosova armatoset në ditët në vijim”, eksperti: Ky është skenari më i errët

15:42 Rajoni

"SHBA pret themelimin e Asociacionit", Vuçiç: Nuk duam luftë, kemi bashkëpunim me KFOR

15:15 Rajoni

O’Brien: Shpresojmë se do të bëhet gjithçka që të themelohet Asociacioni

14:20 Rajoni 1 koment

Kryediplomati grek: Greqia do të abstenojë për anëtarësimin e Kosovës në KiE

11:56 Rajoni 2 komente

Zyrtari i lartë i SHBA sot në Beograd, Vuçiç: Bisedë e vështirë

10:10 Rajoni