Sulmi në veri, 30 ditë paraburgim për dy serbët që dolën para gjykatës

Gjykata Themelore në Prishtinë ka caktuar masën e paraburgimit prej 30 ditësh për dy shtetasit serbë, Dushan Maksimoviç dhe Blagoje Spasojeviç, të dyshuar për sulmin terroristë të së dielës në Banjskë të Zveçanit.

Në këtë seancë, është shqyrtuar kërkesa e Prokurorisë Speciale për caktimin e masës së paraburgimit ndaj të dyshuarve.

Gjithashtu Gjykata Themelore Prishtinë caktoi gjatë orëve të mëngjesit masën e paraburgimit për një tjetër sulmues serb i identifikuar me inicialet V.T., pas seancës dëgjimore e cila u mbajt në hapësirat e Qendrës Klinike Universitare të Kosovës (QKUK).

Avokati i Maksimoviçit tha para mediave se do të ankohen për këtë vendim.

“Ne ndaj kësaj do të parashtrojmë ankesë, i kemi treguar gjykatës për disa fakte për të cilët konsiderojmë që janë irelevante dhe që tregojnë se bëhet fjalë për diçka që është më shumë keqkuptim se që do të mund të kishte lidhje me veprën penale”, deklaroi para shtypit Dejan Vasiç, raporton KlanKosova.

Kujtojmë se më 24 shtator, në orët e para të mëngjesit, Policia e Kosovës u sulmua nga një grup personash të maskuar dhe të armatosur ndërsa po shkonte për të hetuar bllokimin e një rrugë nga dy kamionë pa targa në Banjskë. Si pasojë, u vra polici i Kosovës Afrim Bunjaku, ndërsa disa policë të tjerë u plagosën.

Pasi qëlloi ndaj zyrtarëve policorë, grupi i armatosur u strehua në manastirin e Banjskës, ndërsa përleshjet me policinë e Kosovës vijuan.

Gjatë shkëmbimit të zjarrit, policia vrau tre sulmues të nacionalitetit serb, ndërsa arrestoi gjashtë të tjerë. Ndërkohë në mbrëmjen e 25 shtatorit në një hotel në Banjska janë arrestuar edhe dy persona të tjerë për armëmbajtje.

VIDEO/ Sveçla publikon pamjet e Radoiçiçit në Banjskë: Ishte udhëheqësi i grupit terrorist

13:00 Rajoni 2 komente

Ish-luftëtari i UÇK-së zbulon planin e serbëve: Donin përballje me KFOR, të nisnin luftë

12:40 Rajoni 1 koment

Abazoviç: Situata në veri të Kosovës mund të kthehet në një konflikt në shkallë më të gjerë

11:50 Rajoni

Deputeti serb: Nëse Radoijçiç mori pjesë në sulmin terrorist në Veri, është e qartë se Vuçiç qëndron prapa

11:48 Rajoni 11 komente

Shtypi gjerman mbi Kosovën: Një shkëndijë e kontrolli humb

11:31 Rajoni

VIDEO: E mbushur me armë, gjendet një autoblind i grupit terrorist serb që u braktis në malet e Banjskës

11:19 Rajoni

Zbarkojnë në Kosovë 200 marinsa amerikanë

10:54 Rajoni 2 komente

"Sulmi në veri është kryer me direktiva të Rusisë", ish-komandanti i FSK-së: Të vazhdohet aksioni, ka depo armësh edhe në pjesë të tjera!

10:48 Rajoni 1 koment

Serbia nderon 4 terroristët e vrarë në Kosovë, shpall ditë zie të mërkurën

10:47 Rajoni 4 komente

Sulmi në veri të Kosovës, Tajani paralajmëron përforcim të pranisë së NATO

10:33 Rajoni 2 komente