Te fundit
Klerikët fetarë nga Haga: Krerët e UÇK-së janë të pafajshëm
10 Shtator 2022, 20:40Rajoni
TEMA
Myftiu i Bashkësisë Islame të Kosovës, Naim Tërnava dhe Ipeshkvi i Kosovës, Imzot Dodë Gjergji, këtë të shtunë kanë qëndruar në Hagë, ku kanë vizituar krerët e Ushtrisë Çlirimtare të Kosovës, Hashim Tahçin, Kadri Veselin, Jakup Krasniqin, Rexhep Selimin dhe të tjerët, në ambientet e qendrës së paraburgimit.
Sipas klerikëve fetarë gjendja shëndetësore e krerëve të UÇK-së është e mirë, duke uruar kështu që të njëjtit të kthehen sa më shpejtë në vendin e tyre.
Për Naim Tërnavën krerët e UÇK-së do ta kalojnë ballafaqimin me gjykatën e drejtësisë dhe do të kthehen në Kosovë si të pafajshëm.
“Sot jam më se i gëzuar që pata rasti që bashkë me ipeshkvin e Kosovës, bashkërisht t’i takojmë ish-krerët e Ushtrisë Çlirimtare të Kosovës, duke filluar te vet presidenti e tutje. Patëm rastin që të bisedojmë me ata. Gjendja e tyre shëndetësore ishte jashtëzakonisht e mirë dhe besojmë se edhe këtë ballafaqim me gjykatën e drejtësisë, këtu në Hagë do ta kalojnë dhe do të kthehen sa më shpejtë në Kosovë si të pafajshëm”, ka thënë Tërnava për Kosova Press.
Në anën tjetër Ipeshkvi Dodë Gjergji është shprehur i lumtur për mundësinë e vizitës së krerëve të UÇK-së, derisa ka uruar të kthehen sa më shpejtë në vendin e tyre.
“Po ashtu jam i kënaqur që sot kisha mundësi të bëjë një vepër të mëshirshme, për të vizituar njerëzit që iu mungon mundësia e lirisë. Urojmë që të kthehen sa më shpejtë në shtëpi”, tha ai.
Të dy drejtuesit fetarë dhanë edhe mesazhin e bashkimit, pamarrë parasysh përkatësisë fetare.
Për çka po akuzohen Thaçi dhe të tjerët?
Ndaj ish-presidentit të Kosovës, Hashim Thaçi, ish-kreut të Partisë Demokratike të Kosovës, Kadri Veseli, ish-anëtarit të Shtabit të Përgjithshëm të UÇK-së, Rexhep Selimi dhe ish-zëdhënësit të UÇK-së, Jakup Krasniqit rëndojnë akuzat për krime lufte dhe krime kundër njerëzimit.
Që nga nëntori i vitit 2020 ata gjenden në paraburgim në Hagë dhe janë deklaruar të pafajshëm për akuzat që rëndojnë ndaj tyre.
Sipas aktakuzës fillestare, Thaçi, Veseli, Krasniqi dhe Selimi dyshohen për veprat penale që kanë të bëjnë me krime lufte: ndalim të paligjshëm ose arbitrar, trajtim mizor, torturë dhe vrasje të paligjshme dhe krime kundër njerëzimit: burgosje, akte të tjera çnjerëzore, zhdukje me forcë të personave dhe përndjekje, të cilat, sipas Dhomave të Specializuara, janë kryer midis marsit të vitit 1998 dhe shtatorit 1999.
Krimet pretendohet se janë kryer në disa lokacione të Kosovës dhe në veri të Shqipërisë.
Më 10 maj, Prokuroria e Specializuar ka paraqitur tri kategori ndryshimesh në aktakuzën ndaj Thaçit dhe ish-udhëheqësve të tjerë të Ushtrisë Çlirimtare të Kosovës.
Sipas versionit të ndryshuar të aktakuzës, në fshatrat Budakovë dhe Semetishtë të Suharekës, dyshohet që ndërmjet 4 qershorit 1998 dhe shtatorit 1998, të paktën 12 persona janë ndaluar në qendra ndalimi.
Po ashtu, në aktakuzë thuhet se në fund në fund të qershorit dhe fillim të korrikut të vitit 1999,pjesëtarë të UÇK-së ndaluan “të paktën tre persona pa proces të rregullt ligjor në një seli të UÇK-së, të vendosur në ndërtesën e një ish-shkolle dhe konvikti në Gjilan”.
Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.
Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hages i ka mbetur dopjo gjashta ne dore, udheheqesit e UCK po mbahen peng i fabrikimeve serbo-ruse. Se shpejti ata do te kthehen si heronj ne Atdhe, sepse kaluan edhe nje sprove per te hyre perfundimisht ne histori ne syte e botes si udheheqes e nje ushtrie te lavdishme clirimtere qe beri nje lufte te drejte.
Është fare e paqartë çfarë krimi përbëjnë këto “aktakuza”të bëra drejtuesve të UÇK-së në një situatë lufte çlirimtare,kur dihet që lufta nuk është skenë ledhatimesh! Ç’mund të thuhet për veprimet e sotshme të Putinit dhe qeverisë të tij? Krahasimi do ish sa absurd aq qesharak.
Po keta ishin agjent te MIA-se Serbe po mos te ishte Gjermania dhe gjykaa e Hages sot veriu i Kosoves kishte perfundu ner Serbi fusnoten,asosacjonin kush i solli po keta ateher o popull budall si shkoni ti vizitoni popujt qere keta kishin mi vare ne litare per tradhti kombetare