Te fundit
Konstituimi i Kuvendit të Kosovës, Presidenca: Është urgjencë shtetërore
19 Gusht 2025, 15:44Rajoni
TEMA
Presidenca e Kosovës po e sheh urgjencë shtetërore konstituimin e Kuvendit të Kosovës.
“Presidenca e konsideron urgjencë shtetërore konstituimin sa më të shpejtë të institucioneve të dala nga vullneti i popullit.
Në këtë periudhë të zhvillimeve dinamike në kontinent dhe sfidave globale që e prekin edhe rajonin tonë, krijimi sa më i shpejtë i institucioneve të reja në përputhje me procedurat e parapara në aktgjykimin e Gjykatës Kushtetuese është jetik për stabilitetin, përfaqësimin demokratik dhe për adresimin e interesave të qytetarëve”, kanë thënë nga Presidenca.
Ndryshe, seanca konstituive e Kuvendit të Kosovës do të vazhdojë nesër nga ora 11:00. Kjo seancë vjen pas publikimit të aktgjykimit të plotë të Gjykatës Kushtetuese për ngërçin në Kuvend.
Presidenca ka theksuar se zvarritja e deritanishme e konstituimit të Kuvendit ka dëmtuar jo vetëm kredibilitetin e institucioneve e zhvillimin e vendit, por edhe përparimin e vendit në arenën ndërkombëtare.
Presidenca ka apeluar të gjithë deputetët që të veprojnë me përgjegjësi të plotë, në frymën e bashkëpunimit dhe të mirëbesimit./Kosovapress
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Le të propozojnë një kryetar kuvendi me konsensus atëhere. Ose ndryshe të shkojnë në djall. Kurti po tregohet i çmendur pas pushtetit. Më keq se Enver Hoxha.
"""""""""""""""""""""""Mos u lodhni me Albinin"""""""""""""""" ------------Dega-------------------------------------------------------------------------------e thatë--------------------------------------------------------------------------------nuk lakohet--------------------
Jo moj Presidente jo, emergjence shteterore jo sepse nuk keni shtet ju te kombit kosovar. Nuk bahet shtet tamam me brumin tuj te thartuem aq keq.