Te fundit
Albin Kurti dikur: Greqia e sheh Shqipërinë të ndarë, njëjtë si Serbia, janë fqinjë grabitqarë
23 Gusht 2023, 11:10Rajoni
TEMA
Albin Kurti që kur ka marrë pozitën e kryeministrit të Kosovës nuk ka vizituar ndonjë shtet më shpesh sesa Greqinë.
Vizita e fundit ishte këtë javë, ku mori pjesë në një darkë jo formale me liderë të Ballkanit e të Bashkimit Evropian, i ftuar për të festuar 20 vjetorin e Samitit të Selanikut.
Tashmë shtet i preferuar për vizitë, Kurti dikur e konsideronte Greqinë për shqiptarët njëjtë si Serbinë.
Në vitin 2012, si pjesëmarrës në një marshim të paqes në Qafë-Botë, linjë kufitare me Greqinë, Kurti iu pati thënë qytetarëve se “Greqia e sheh Shqipërinë të ndarë, po kështu e sheh edhe Serbia”.
Ai artikulonte se si Kosova dhe Shqipëria duhet të bashkohen si kushti i vetëm “për ndaljen e hegjemonizmit të dy fqinjëve grabitqarë”.
“Duhet të formojë një ekonomi të fortë për të punësuar të rinjtë dhe një ushtri të fuqishme, e cila do të ndalë sulmet e fqinjëve grabitqarë”, deklaronte Kurti.
“Lavdi dëshmorëve dhe martirëve të kombit, rroftë Çamëria, rroftë kombi shqiptar”, ishin fjalët e fundit të Kurtit në tubim.
Kurti të martën është takuar me kryeministrin grek, Kyriakos Mitsotakis.
S’bëhet fjalë, çështja e çamëve nuk është përmendur në takim.
Kurti e ka ftuar për vizitë Mitsotakis-in në Kosovë dhe gjithashtu ka ftuar bizneset greke të investojnë në Kosovë.
Ai i ka tregtuar homologut grek se prejse ka ardhur në pushtet, shkëmbimi tregtar me Greqinë është rritur për mbi 40 për qind, dhe kjo vetëm në vitin e fundit.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Albini mashtrues dhe idiot Mos u merrni më ketë faqezi Nga mashtrimet per bashkim kombtar Tani merret më Greqi