Kurti: Propozimi franko-gjerman të vendoset në tryezë një orë e më parë

23 Nëntor 2022, 14:45Rajoni TEMA

Kurti: Propozimi franko-gjerman të vendoset në tryezë një

Kryeministri i Kosovës, Albin Kurti kërkoi të mërkurën që plani i Francës dhe Gjermanisë, i përkrahur nga BE-ja të vendoset në tryezë “një orë e më parë”.

Ky plan, sipas raportimeve, është një propozim për zgjidhjen e mosmarrëveshjeve mes Kosovës dhe Serbisë.

“Nuk është koha për ambicie të vogla, është koha për hapa të mëdhenj”, tha Kurti në një konferencë për media, pas mbledhjes së Qeverisë.

Ai tha se arsyeja kryesore pse ka shkuar në Bruksel, të hënën, është nisja e diskutimit për marrëveshjen finale mbi planin franko-gjerman, dhe jo diskutimi për targat.

Sipas tij, marrëveshja ligjërisht e obligueshme mes Kosovës dhe Serbisë, ishte pjesë e ftesës së BE-së, por që më pas “u braktis dhe u kalua vetëm te çështjet aktuale”.

Kurti tha se Kosova ishte gati që ta pezullonte fazën e dytë të vendimit për targa, e cila parasheh shqiptimin e gjobave për qytetarët që qarkullojnë me automjete me targa ilegale serbe, në mënyrë që të krijohet hapësirë për arritjen e marrëveshjes finale me Serbinë, “e paraparë nga BE-ja që të arrihej deri në mars të viti 2023”.

“Afatin mars 2023 nuk e kam shkruar unë, e ka shkruar Brukseli. Unë kam kërkuar të jetë shkurti 2023… Por, në fund ata hoqën dorë”, tha ai, duke përmendur shefin e diplomacisë evropiane, Josep Borrell.

Madje, ai tha që në takimin që kishte me Borrellin në Forumin e Paqes në Paris, ai i kishte thënë që propozimi franko-gjerman “është propozim i BE-së, i mbështetur nga Franca dhe Gjermania”.

Në një intervistë për Radion Evropa e Lirë zëvendëskryeministri i Kosovës, Besnik Bislimi, ka thënë se propozimi franko-gjerman parasheh zgjidhjen e kontesteve në dy faza, “ku një pjesë e madhe e kontesteve do të zgjidheshin tani, kurse një pjesë shumë e vogël që ata thonë se është 1 për qind, do të liheshin për një periudhë të mëvonshme”.

Në tetor, presidenti serb, Aleksandar Vuçiq, ka thënë se Franca dhe Gjermania kanë propozuar që Serbia të lejojë që Kosova të anëtarësohet në organizata dhe institucione ndërkombëtare, përfshirë edhe në Kombet e Bashkuara, në këmbim të një anëtarësimi të shpejtë të Serbisë në Bashkimin Evropian.

“Jemi të përqendruar që dakordimi të arrihet para se të bëhen 48 orë”
Kurti konfirmoi se zëvendësi i tij, Besnik Bislimi, është tashmë në Bruksel, ku do të takohet me kryenegociatorin serb, Petar Petkoviq, për të diskutuar për zgjidhjen e çështjes së targave ilegale serbe.

Takimi në Bruksel do të zhvillohet vetëm dy ditë pas një takimi që ka rezultuar pa marrëveshje mes Kurtit dhe presidentit të Serbisë, Aleksandar Vuçiq, lidhur me çështjen e targave.

Sipas Kurtit, gjatë gjashtë muajve të fundit kanë qenë tetë opsione për targat, mirëpo nuk dha detaje me arsyetimin se “konfidencialiteti në bisedime është zotimi ndaj ndërmjetësit [BE-së]”.

“Nga këto tetë opsione, për ne tri modele kanë qenë të pranueshme, e pesë të papranueshme. Ndërsa për Serbinë asnjë [nga tetë opsionet] nuk ishte e pranueshme”, u shpreh Kurti .
Me kërkesë të Shteteve të Bashkuara, Kurti në ditën e fillimit të shqiptimit të gjobave (22 nëntor) për targa ilegale, e ka shtyrë për 48 orë zbatimin e vendimit.

Kur u pyet se çka do të ndodhë pas këtij afati, ai tha se “tash duhet të jemi të përqendruar që dakordimi të arrihet para se të bëhen 48 orë”.

Shqiptimi i gjobës prej 150 eurosh është pjesë e vendimit të Qeverisë së Kosovës për riregjistrimin e makinave me targa ilegale serbe në RKS – Republika e Kosovës.

Faza e parë parashihte qortimin, e dyta parasheh shqiptimin e gjobës dhe më vonë parashihet të vendosen disa targa provuese.

Sipas vendimit të Qeverisë, pas 21 prillit, në Kosovë nuk duhet të ketë më makina me targa të tilla që lëshojnë autoritetet serbe.

Serbia – e cila lëshon targa të paligjshme për serbët e Kosovës që nga paslufta më 1999, e kundërshton këtë plan – duke insistuar në targa neutrale ndaj statusit të Kosovës.

Si pasojë e tensioneve të ngritura, serbët e veriut të Kosovës – ku qarkullojnë kryesisht makina me targa të paligjshme – kanë dhënë dorëheqje nga institucionet e Kosovës./REL

5 Komente

  1. Roberto

    A e shikoni ca kllouni eshte Albin Kurti?? Deri dje kundershtonte me force cdo propozim qe i vinte nga komuniteti nderkombetar bile akuzoi edhe Borell ndersa tani qenka i gatshem menjehere qe ta pranoje planin Franco-Gjerman. Hajde koke loqe hajde.

    1. G
      Genti

      Kte miser Binin dje Borrell e akuzoi se e rrefuzoi marrveshjen per targat ndersa tani kerkon me c'do kusht zgjidhjen franko-gjernane ne tryeze.U be ky pallosh te tallet me SHBA-ne dhe BE-ne. Pa ta ushtrine serbe e ke ne Morine per 2 ore. Po c'ti bej kosovareve qe zgjodhen nje anarkist qe nuk di nga lidhet gomari ne krye te qeverise.

      1. B
        Babi gentit

        Mëso te shkruash

      2. S
        Sali Rrumpalla

        I dashur Roberto. Po te bej nje shtojce: Ne fillim "Kurti e mbajti sekret", deri dje kundershtonte me force cdo propozim qe i vinte nga komuniteti nderkombetar bile akuzoi edhe Borell ndersa tani qenka i gatshem menjehere qe ta pranoje planin Franco-Gjerman. Hajde koke loqe hajde. Spermazoidi leviz me shpejtesi ne drejtime te ndryshme. Kurti eshte spermatozoid qe nuk i dihet drejtimi se nga do levizi. Ky eshte shpjegimi shkencor sipas seksollogjise. Shpjegimi njerezor eshte se Kurti nuk ka tru por bajga ne koke. Spjegimi shoqetror eshte se Kurti nuk e perdor trurin, por flet sipas udhezimeve ditore qe merr nga padrinua me seli ne Beograd....Prandaj eshte i pa parashikueshem dhe pergjirhesisht kundershtar i Amerikes. I dashur Roberto: Na mbyten spiunet!

        1. b
          bashkimi per drejtesi

          Asnjë "plani i Francës dhe Gjermanisë, i përkrahur nga BE-ja" pa përkrahjen dhe venjën dorë mbi te SHBA dhe populli shqiptar sepse ska më asnjë troh besim më tek KURTI dhe OSMANKA.

          Lini një Përgjigje