Te fundit
Ministrja e Drejtësisë mohon lajmet se i është refuzuar viza amerikane
9 Nëntor 2022, 22:10Rajoni
TEMA
Ministrja e Drejtësisë, Albulena Haxhiu mohoi se i eshte refuzuar viza amerikane. Ajo deklaroi se gjykuan bashkë me zyrtarë të Ambasadës së SHBA-së në Kosovë se vizita e saj në Amerikë, e planifikuar të zhvillohet në dhjetor, duhet të shtyhet.
Ajo tha se deri tek ky vendim erdhi duke marrë parasysh situatën aktuale politike në vend. Ministrja sqaroi se lajmet për refuzim vize janë të pavërteta.
Më tej, ajo tha se vizita do të realizohet dhe për datat, qytetarët do të njoftohen, shkruan KlanKosova.
Në lidhje me anulimin e vizitës në ShBA e cila ishte planifikuar në dhjetor të këtij viti, ka folur edhe ambasadori amerikan në Kosovë, Jeffrey Hovenier, i cili në një bisedë të sotme më gazetarët tha se “nuk sheh asnjë rrethanë në të cilën do të ishte e vështirë për qeverinë e SHBA-së të lëshonte viza për një ministër të qeverisë së Kosovës”.
“S’mund të flas për rastet specifike ose individuale të vizave, por nuk jam në dijeni për ndonjë rrethanë ku një ministër i qeverisë nuk do të kualifikohej për marrjen e vizës për punë zyrtare”, u shpreh Hovenier.
Më të lexuarat
24 oret e fundit
Javen e fundit
Blog Tema
Lini një Përgjigje