Te fundit
Serbët kërcënojnë me jetë ministrin e Kosovës
28 Nëntor 2022, 17:08Rajoni
TEMA
Ministri i Kulturës, Rinisë dhe Sporteve në Kosovë, Hajrulla Çeku deklaroi se është kërcënuar me jetë nga serbët.
Në një intervistë për Euronews Albania, Çeku u shpreh se kërcënimet kanë ardhur si mesazhe në rrjete sociale, por edhe në mënyrë private, të cilat përmbajnë ndër të tjera, fyerje dhe gjuhë të urrejtjes.
Çeku nënvizoi se kërcënimet erdhi pas reagimit ndaj flamurit, ku gjendej harta e Kosovës me ngjyrat e Serbisë, shpalosur fillimisht nga tifozët serbë në Botërorin “Katar 2022” dhe më pas nga futbollistët serbë në dhomat e zhveshjes.
Sipas tij, shovinizmi serb është rreziku më i madh për paqen, stabilitetin dhe demokracinë në rajonin e Ballkanit Perëndimor.
“Janë mesazhe, të cilat janë dërguar edhe në hapësirën publike të rrjeteve sociale, të profileve, por edhe private, të cilat përmbajnë fyerje, gjuhë të urrejtjes, por edhe kërcënimeve direkte, si pasojë e asaj që ka ndodhur dhe reagimet që kemi pasur si institucione dhe si shoqëri, në raport me aktin skandaloz të ekipit të futbollit të Serbisë në Botërorin e Katarit.
Me një flamur i cili nuk ishte vetëm simbol nacionalist, për më tepër, një veprim shovinist, një pretendim i qartë pushtues, një aspiratë territoriale e Serbisë në raport me Repulikën e Kosovës.
Pas këtyre reagimeve dhe sensibilizimit të opinionit botëror, përfshirë edhe FIFA-n dhe nisjes së procedurës disiplinore ndaj Serbisë, si pasojë erdhën edhe këto mesazhe me përmbajtje shumë problematike.
Për hir të së vërtetës, nuk është diçka e re, sepse gjuhë të tillë ekstremiste nga Serbia, kemi pasur edhe në të kaluarën. Këtu targetohen edhe zyrtarë të shtetit të Kosovës, edhe intelektualë publikë, edhe shoqëria civile. Për mua, është edhe një dëshmi se shovinizmi serb është rreziku më i madh për paqen, stabilitetin dhe demokracinë në rajonin e Ballkanit Perëndimor”, theksoi ai.
Federata Botërore e Futbollit (FIFA) ka njoftuar të shtunën se ka nisur masa disiplinore ndaj Federatës Serbe të Futbollit për varjen e një flamuri me përmbajtje politike në raport me Kosovën në dhomat e zhveshjes përpara se të luante të enjten me Brazilin në Kupën e Botës në Katar.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Do na BËHET NAMI! Nga ky procedim do na bëhet nami. Do i fajësojnë shqiptarët se kanë hyrë në dhomat e zhveshjes së shkinave shoqëruse në hotel të stadiumit dhe paskan tentuar, këta shqiptarët, të shkërdhejnë pa miratimin e FIFAS.
sakte. Kur serbet pushtuan fushen e lojes dhe filluan te godasin lojtaret tane, ose u perpoqen qe ta benin, pasi me kujtohet se si Cana me shoke, si sportiste qe ishin, i mbyten disa prej tyre me grushte, per Mishel Platini-n ishte faji i shqiptareve, packa se ne stadium nuk kishte asnje shqiptar. Ai tha se droni me flamurin shqiptar mundet te kishte edhe eksplozive per te bere terror ne stadium. "mundet", por qe nuk kishte. Me kete supozim idjot nga kreu i korruptuar i UEFA-s, ky organizem e denoi Shqiperine per mos daljen per pjesen e dyte, vendim qe u hodh poshte nga CAS, si i pabaze. Cfare nuk pret prej hajvaneve europiane... Eshte lloji i bagtise qe nuk shikon ujkun, por preokupohet vec prej gjurmeve.