Te fundit
Sot vendoset fati i Dritan Abazoviç
19 Gusht 2022, 09:19Rajoni
TEMA
Qeveria e kryeministrit të Malit të Zi, Dritan Abazoviç përballet sot me votën e mosbesimit në Kuvend.
Propozimi u iniciua nga 36 përfaqësues të Partisë Demokratike të Socialistëve (DPS), Partisë Liberale, Socialdemokratëve, Partisë Socialdemokrate (SDP) dhe Bashkimit Demokratik të Shqiptarëve, shkruan RTCG (Radio Televizioni Malazez).
Në propozimin për mosbesimin e qeverisë, thuhet se Abazoviç ka injoruar pikëpamjet e institucioneve më të rëndësishme shkencore në vend, duke injoruar me vetëdije pasojat e disa veprimeve, si Marrëveshja Themelore me Kishën Serbe.
Pak ditë më parë, Abazoviç u shpreh se se të gjithë ata që duan që vendi të vazhdojë luftën kundër krimit të organizuar dhe korrupsionit, të cilët nuk duan që të anulohet Traktati Themeltar dhe rruga evropiane, nuk do ta mbështesin mocionin e mosbesimit ndaj qeverisë.
Në lidhje me seancën e 19 gushtit, ai tha se situata është e qartë, teksa shtoi se nëse qeveria nuk bie, atëherë do të punohet për një koalicion edhe më të madh, ku do të ftohen parti të tjera.
Mali i Zi është në një krizë të re politike pas marrëveshjes që rregullon marrëdhëniet e shtetit me Kishën Ortodokse Serbe.
Partia e presidentit Milo Gjukanoviç ka deklaruar se marrëveshja dëmton interesat kombëtare të vendit dhe për këtë arsye nuk do ta mbështesë më qeverinë Abazoviç.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Një gjë është e sigurt që nuk është shqiptar, kisha Sërbe, bashkpunimi., ata që ja dhanë mundësin të bëhet Kryeministër për interesat e tyre, ata le t'ja marrin pushtetin, ne as nga afër dhe as nga larg nuk jemi përzier në këtë qorbë made in Jugosllavia UDB.
Ate politike ja kushtezon BE Abazovicit ,se nuk e mori malli per kishen serbe dhe duke e ditur reagimin e qeverise se Malit te ZI ,.Por kur e ke pataten e nxehte ne dore cfare do besh.