Te fundit
"The Economist": Ja çfarë po fsheh Albin Kurti
30 Qershor 2023, 17:30Rajoni
TEMA
E përjavshmja “The Economist” ka zbuluar një skenar të mundshëm që fshihet pas krizës në veri të Kosovës dhe që implikon kryeministrin Albin Kurti.
“Një diplomat thotë se dyshon se Kurti ka gjasa të mbajë premtimin e tij për autonomi për serbët e Kosovës dhe sugjeron se kriza në veri mund ta ndihmojë atë të maskojë faktin se ai ka dështuar të përmbushë shumë nga premtimet e tij diku tjetër. Problemet në Kosovë mund të jenë gjithashtu një shpërqendrim i mirëpritur për Vuçiç, pasi ai përballet me demonstrata në shtëpi”, vëren gazeta britanike.
Botimi përdori fillimisht fjalët e diplomatit amerikan Gabriel Escobar për të përshkruar situatën në veri të vendit si “një përshkallëzim mbi një përshkallëzim të mëparshëm”.
Më 14 qershor tre policë të Kosovës u arrestuan nga policia serbe, ndonëse të dyja palët kundërshtojnë se në cilën anë të kufirit ishin ata.
Më 26 qershor ata u liruan. Por kriza Kosovë-Serbi vazhdon, thekson “The Economist”.
Policia e Kosovës ka arrestuar serbët vendas të cilët, thonë ata, kanë sulmuar paqeruajtësit dhe gazetarët e NATO-s.
Policia gjithashtu pretendon se ka gjetur një depo të madhe armësh në pjesën veriore të Kosovës, ku shumica e njerëzve janë serbë etnikë.
Diplomatët amerikanë dhe të BE-së po luftojnë krizën, nga frika se një incident tjetër i dhunshëm mund të shpërthejë në një konflikt më të madh.
Escobar dhe Miroslav Lajçak, negociatori i BE-së, kishin arritur një përparim në pranverë duke siguruar një marrëveshje për zbatimin e një plani ku Serbia do ta trajtonte Kosovën si një shtet në gjithçka, përveç emrit, shton e përjavshmja.
Në këmbim, pakicës së vogël serbe të Kosovës do t’i jepej një formë autonomie, e cila u ishte premtuar në një marrëveshje të mëparshme, në vitin 2013.
Por Serbia e theu marrëveshjen e re duke u përpjekur të bllokojë anëtarësimin e Kosovës në Këshillin e Evropës, sqaron gazeta britanike.
Amerika dhe BE-ja më pas i kërkuan Albin Kurtit, kryeministrit të Kosovës, që të mos i instalonte fizikisht kryetarët e komunave veriore shqiptare etnike në bashkitë e tyre.
E bëri gjithsesi. I mbështetur nga policë shqiptarë etnikë, ai po ndryshon status quo-në e 20 viteve të fundit, duke alarmuar serbët e Kosovës.
Pushtimi rus i Ukrainës po ndryshon peizazhin politik. Presidenti i Serbisë, Aleksandar Vuçiç, edhe pse nuk pranon t’i bashkohet sanksioneve kundër Rusisë, po i lejon kompanitë serbe të dërgojnë armë në Ukrainë. Ambasadori i Amerikës në Serbi e lavdëron atë si një “partner më të mirë”.
“Pra, është Kurti ai që po e merr fajin”, ravijëzon në përmbyllje “The Economist”.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jeni bo autoparlant i serbeve! Turp!
do i them theeconomist qe beni fake news duke perdorur emrin e revistes. Po ca beni kshu se lat nam, jemi ne epoken kur kushdo mund te bej nje kerkim ne google dhe te shohi si genjeni si idiot qe jeni
Ta kane vene nje referim ne artikull o shoku, mjafton ti klikosh siper! te çon direjt tek artikulli origjinal,nuk po genjejne iç,lexoje edhe ne anglisht po deshe, eshte lehtesish e verifikushme!!!
Qendro Albin Kurti. Të gjithë e dimë që je i rrethuar nga Hyjenat por përveq guximit asgjē tjeter nuk funksionon tashti per tashti. Zoti te mbroftë dhe të bekoftë.
Qendro alpin luciferi eshte me ty, te pret ne ferr qe te beje kryekumandar te ferrit se ke eksperience te madhe ne udheheqjen e shtetit qe lufton kunder Amerikes. Marrc nga ditet e tua !
O Albin o trim i marre Se c’u plekse me radare
Pikerisht kjo ! Status kuo duhet te ndryshoje, kjo situate e ketyre viteve pas luftes duhet te marre fund dhe gjerat duhet te shkojne perfundimisht ne vend. Shkijet ne vendin e tyre dhe shqiptaret ne anen tjeter te kufirit.