Te fundit
Vuçiç: Anulimi i vizitës së Lavrov, sulm ndaj Serbisë
7 Qershor 2022, 09:22Rajoni
TEMA
Presidenti i Serbisë, Aleksandër Vuçiç u shpreh i pakënaqur në lidhje me anulimin e vizitës në Beograd, të diplomatit rus, Sergei Lavrov.
Vuçiç e cilësoi anulimin e vizitës si një sulm ndaj një vendi të vogël si Serbia, teksa shtoi se një numër i madh shtetesh i kishin kërkuar që të mos priste në takim ministrin e Jashtëm të Rusisë.
“Nuk mund ta imagjinoni se sa shumë biseda ka pasur në të cilat është kërkuar të mohohet mikpritja e Lavrov”, tha Vuçiç,
Ai nënvizoi se nuk është befasuar nga zhvillimi i situatës, duke pasur parasysh se ditë më parë tha se priste komplikime, shkruan Euronews Serbia.
Ministri i Jashtëm rus, Sergei Lavrov u detyrua të anulojë vizitën e tij në Serbi, pasi 3 shtete ballkanike mbyllën hapësirat e tyre ajrore për avionët që nisen nga Rusia.
Maqedonia e Veriut, Mali i Zi dhe Bullgaria, ishin tre shtetet që mbyllën hapësirën ajrore për avionin e diplomatit rus.
Anulimi i vizitës së Lavrov, është konfirmuar edhe nga ministria e Jashtme e Rusisë. Ishte planifikuar që diplomati rus të mbërrinte të hënën në Beograd, ku do të zhvillonte një vizitë dy ditore.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vucic mos bej lufte me komshite. Kupto qe Serbia eshte ishull ne evrope, jo ne azi. Neser ndihmat ruse mbeten ne ajer, si Lavrovi.
Eshte komplet loje me dy porta e Vucicit. Serbia eshte mesuar te haje nga te dyja anet ( Evrope
Edushka do t'ia sjellte Vućićit ate rusin Lavrov, por ja qe sguxon prej NATO-se.