Te fundit
Vuçiç bisedon me sekretarin Blinken për tensionet në veri të Kosovës: Kërkova lirimin e serbëve të arrestuar
26 Qershor 2023, 18:18Rajoni
TEMA
Sekretari amerikan i Shtetit, Antony Blinken, ka insistuar në qetësimin e situatës në veri të Kosovës dhe ka mbështetur planin evropian për shtensionim, u tha pas një bisede telefonike që kryediplomati amerikan zhvilloi me presidentin e Serbisë, Aleksandar Vuçiç.
Siç tha Vuçiç përmes një postimi në Instagram, gjatë bisedës me Blinkenin, ai ka kërkuar lirimin e serbëve të arrestuar në veri të Kosovës.
“I thashë sekretarit Blinken se Serbia sillet seriozisht dhe në mënyrë të përgjegjshme, por njësitë speciale të Policisë së Kosovës po arrestojnë çdo ditë pjesëtarët e komunitetit serb në mënyrë krejtësisht arbitrare dhe kërkova lirimin e të gjithë serbëve të arrestuar”, tha Vuçiç.
Siç raportohet, Vuçiç gjatë bisedës me Blinkenin ka theksuar se dorëheqja e katër kryetarëve të rinj shqiptarë në komunat në veri të Kosovës dhe tërheqja e njësive speciale të Policisë së Kosovës nga ndërtesat komunale “janë të një rëndësie kyçe për të ulur tensionet”.
Kjo bisedë telefonike mes Vuçiç dhe Blinkenit vjen në mes të përpjekjeve diplomatike nga komuniteti ndërkombëtar për të ulur tensionet në veri të Kosovës.
Tensionet në veri të Kosovës nisën më 26 Maj, kur kryetarët e rinj shqiptarë – të Zveçanit, Leposaviqit dhe Zubin Potokut, komuna të banuara me shumicë serbe – hynë në ndërtesat komunale me asistimin e policisë.
Që atëherë, serbët kanë mbajtur protesta. Kryetarët e rinj u zgjodhën më 23 prill, zgjedhje që u bojkotuan nga partitë dhe popullata serbe.
Ditëve të fundit, autoritetet në Kosovë kanë arrestuar disa pjesëtarë të komunitetit serb, nën dyshimet se kanë marrë pjesë në dhunën ndaj ushtarëve të misionit të NATO-s në Kosovë, KFOR, dhe ndaj gazetarëve që po raportonin nga veriu.
Zyrtarët në Serbi dhe përfaqësuesit e Listës Serbe – partia më e madhe e serbëve në Kosovës, që gëzon mbështetjen e Beogradit – i konsiderojnë arbitrare këto arrestime.
Komuniteti ndërkombëtar po i kërkon Kosovës që të shtensionojë situatën dhe i ka paraqitur tri kërkesa: qetësimin e situatës në veri, mbajtjen e zgjedhjeve të reja në katër komunat veriore dhe rikthimin në dialogun për normalizimin e raporteve Kosovë-Serbi.
Ndërkaq, nga Beogradi zyrtar po kërkohet që të sigurojë që serbët të marrin pjesë pa kushte në zgjedhjet eventuale lokale.
REL
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po te ishte ai qe seshte edhe Kurti do i lironte serbet e arrestuar. Meqe Kurti eshte patriot dhe burre shteti ai do zbatoje ligjet e Kosoves. Me kete do tregoje se Kosova eshte shtet, kurse Serbia eshte guberne e Amerikes. A thua or Qamil se do jete kaq idjot?!
Ore po nuk të duket se po kërkon lirimin e të jashtëligjshmeve apo ty të lejohet çdo gjë ...
Eshtë fituar lufta,por duhet te. fito
Të gjithë e kuptuam lojën tuaj për të liruar kriminelët e tu. Ja që nuk jemi më në 1998ën. Kafshë!!
VUCE, dele UJKU ! Në arterien kryesore të Beogradit, që të shpien drejt Kroacisë, resp Hungarisë, në të dyja krahët, aq më shumë afër qendrës suaj "Sava" lulëzojnë grafitet me të cilat lartësohen masakrat serbe nën udhëheqjen e gjakpirësve shovenist serbë. Emrat e tyre lartësohen me gjithë "bëmat" e tyre mizore. Me siguri që , ti Vuce Ujku, nuk ke lënë pa kërkuar nga Biden që edhe ata gjakpirësit e dënuar në Hagë të lirohen, se jeni bërë faktor "kompatibil" , e "kaluar - e shkuar" edhe sipas disa prej atyre të Perëndimit që duan të shkelin në fyt Albinin, resp shqiptarët e shqptarizmit.