Te fundit
Manastirliu: Gatishmëri e shtuar, mbi 26 mijë qytetarë kanë marrë shërbim në qendrat verore Shëngjin
31 Korrik 2023, 16:50Shëndeti
TEMA
Ministrja e Shëndetësisë dhe Mbrojtjes Sociale, Ogerta Manastirliu ka vizituar qendrën shëndetësore verore 24-orëshe, në Shëngjin, në kuadër të inspektimeve për sigurinë gjatë sezonit turistik. “Qendra shëndetësore verore 24-orëshe këtu në Shëngjin, është një prej qendrave që ne e kemi një pikë reference shumë të mirë për zonën e plazhit për turistët vendas e të huaj.
Jemi në gatishmëri të shtuar për muajin gusht, ku pritet dhe fluksi më i lartë i pushuesve. Deri tani, mbi 26 mijë turistë dhe pushues kanë marrë shërbim në 30 qendrat shëndetësore verore në zonat turistike”- tha Ministrja Manastirliu.
Gjatë vizitës në Shëngjin, Ministrja Manastirliu kërkoi nga inspektorët shëndetësorë marrjen e masave për të garantuar një sezon turistik sa më të sigurt në aspektet higjieno-sanitare. “Është me rëndësi evidentimi në kohë dhe të qenit në territor të strukturave të inspektoriatit, duke garantuar që të evidentojmë në kohë, të rekomandojmë dhe sigurisht të marrim masa kur është nevoja, për përmirësimin e punës dhe sigurisht një edukim të mëtejshëm të subjekteve akomoduese apo subjekteve tregtare që ofrojnë shërbime për qytetarët, sidomos në këtë pik të sezonit.
Janë më shumë se 1500 inspektime, të cilat janë kryer përgjatë sezonit turistik, por jam e bindur që ka ende nevojë për të vajtur në çdo strukturë dhe për të siguruar që garantohen e plotësohen të gjitha kushtet”- u shpreh Ministrja Manastirliu.
Strukturat inspektuese si, Task-Forca ndërinstitucionale, por edhe strukturat e tjera shëndetësore janë në një situatë gatishmërie. Nga ana tjetër, janë 30 qendra shëndetësore verore që ofrojnë shërbime, vizita, konsulta, mjekime, me përforcim të personelit shëndetësor, me stafe të cilat trajnohen në vazhdimësi, për të menaxhuar rastet urgjente, e po ashtu përforcim me barna dhe materiale mjekësore.
Urgjenca Kombëtare është po ashtu në gatishmëri të plotë për t'ju përgjigjur të gjitha thirrjeve për ndihmë mjekësore në numrin unik 127.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pra 26 mije pacient, 30 qendera,1500 inspektime. Me pak se 2 vite me pare; 358 te infektuar, 2 te vdekur dhe 89 te sheruar. Menjehere e kuptoni se cfare ke kam ne mendje. Gjithashtu pensionet do rriten me 16%, Leku u forcua me 22%, nafta do rrite me 3.5% , zgjedhjet I fituan me 46.3% etj etj . Vetem shifera dhe vetem mashtrime. Keto jane shifera lokale. Por nqs se them 6 miljon kejo eshte shifer nderkombetare, pra Mega genjeshter. Eshte dikush qe se di cfare eshte 6 miljoni? Pra nje menyre tjeter pas frikes per te kuptuar mashtrimin jane shiferat. Shiferat dhe vetem shifrat te thote hapur se jane duke genjyr dhe mashtruar. Fuck them.