VIDEO/ Të rrethuar nga stresi,” Kardiologu Caushaj: Në Shqipëri, çdo ditë është sulm mbi zemrën

Kur flasim për stresin, mendja na shkon përgjithësisht tek provimet, afatet që duhen arritur në punë, apo mjedise pune ku trysnia është e lartë. Por, stresi nuk është kudo i njëjtë. Në shumë vende perëndimore, politikat sociale absorbojnë një pjesë të presionit, duke nisur nga një transport publik efikas, tek një sistem shëndetësor i mirëorganizuar dhe lehtësisht i aksesushem, tek shkolla funksionale dhe ekzistenca e një rrjete sigurie, e cila mban një pjesë të peshës kur gjërat nuk shkojnë ashtu siç duhet.

Në Shqipëri, nga ana tjetër, situata parqitet ndryshe.

Mjeku kardiolog, Dr. Novruz Caushaj, shprehet në episodin e 32-të të Apostrof Podcast, se stresi tek ne nuk është një episode kalimtar, por diçka konstante, e ndërthurur me jetën tonë të përditshme. “Ngado që personi kthehet, është i rrethuar nga shigjeta ‘stres’,” thotë Dr. Caushaj.

Pra, nuk është fjala për një trysni që mund ta largosh me një fundjavë pushim. Është fjala për stresin e pritjes në radhë në institucione publike, përballjen me trafikun kaotik, çmime që rriten me ritme shumë herë më të larta se pagat dhe një sistem shëndetësor, që sa vjen dhe e ka më të vështirë të ngjallë besim tek njerëzit. Është fjala për një stress që nuk është kalimtar dhe që gradualisht konsumon trupat dhe mendjet e njerëzve.

Dr. Caushaj thekson se kërkimet në fushën e mjekësisë dhe kardiologjisë e përfshijnë tashmë stresin kronik si faktor madhor në shkaktimin e sëmundjeve kardiovaskulare. Ai ndikon në shtimin e rrahjeve të zemrës, ngushtimin e enëve të gjakut, tensionin e lartë, si edhe nxit inflamacionin. Me kalimin e kohës, zemra e ka gjithnjë e më të vështirë të relaksohet, duke u bërë kështu më e prirur për t’u dëmtuar.

Megjithatë, ajo çfarë e bën vëzhgimin e Dr. Caushajt të jetë më tepër se sa një paralajmërim mjekësor, është theksi tek politika. Stresi në Shqipëri nuk lidhet vetëm me forcën e individit për t’i bërë ballë, por me mungesën e një sërë strukturash sociale, që do të duhej ta lehtësonin sadopak atë. Në shtete me mirëqenie sociale me të lartë, një pjesë e pasigurive të jetës absorbohen nga shteti, ndërsa tek ne, stresi mbetet ‘i privatizuar,” diçka që çdo individ dhe familje duhet ta mbajë në shpatullat e veta pa asnjë lloj ndihme.

Ndiq episodin e plotë të Apostrof Podcast: https://youtu.be/nyAzUfONGTs

Studimi: Përdorimi i paracetamolit gjatë shtatzënisë mund të rrisë rrezikun e autizmit

10:29 Shëndeti 2 komente

Sytë gjithë ditën në ekran? Pesë këshilla të thjeshta për t’i mbrojtur

09:10 Shëndeti

“Nuk janë më sëmundje të moshës së tretë” – kardiologu Novruz Caushaj tregon pse po shtohen problemet e zemrës tek të rinjtë

17:00 Shëndeti 18 komente

VIDEO/ “Kafeinë sa 20 filxhanë ekspres” – kardiologu Caushaj shpjegon efektet alarmuese të pijeve energjike mbi zemrën

15:13 Shëndeti 10 komente

Shkencëtarët nga Universiteti i Zürichut zhvillojnë një metodë revolucionare për trajtimin e pacientëve pas atakut kardiak

19:58 Shëndeti

Studimi: Një vaksinë e re për parandalimin e kancerit “gati për përdorim”

21:41 Shëndeti 2 komente

Sot. Dita Botërore e Hepatiteve, ISHP: Të veprojmë tani për ta eliminuar hepatitin deri në 2030-n

11:03 Shëndeti

Realizohet ndërhyrja e avancuar neurokirurgjikale në Spitalin Memorial të Fierit, Rama: I ktheu shpresën 75-vjeçarit pas goditjes së rëndë në tru

10:14 Shëndeti 11 komente

Përhapet nga mushkonjat, një virus që vjen nga disa ishuj në Oqeanin Indian kërcënon edhe Evropën

16:15 Shëndeti 1 koment

Pse shkenca nuk po gjen dot një kurë për kancerin?

12:32 Shëndeti 8 komente