Arben Ahmetaj në Konferencën për Rindërtimin e Ukrainës

Zëvendëskryeministri dhe ministri i Shtetit për Rindërtimin dhe Programin e Reformave Arben Ahmetaj po merr pjesë në Konferencën për Rindërtimin e Ukrainës, e cila zhvillohet në Lugano, Zvicër. Konferenca ka për qëllim të iniciojë procesin politik për rimëkëmbjen e Ukrainës pas invazionit rus.

Pjesëmarrës në Konferencë janë përfaqësues të nivelit të lartë, përfshirë presidentin njëkohësisht ministër i Jashtëm i Zvicrës Ignazio Cassis, presidenten e Komisionit Europian Ursula Von Der Leyen, kryeministrin e Ukrainës Denys Shmyhal, përfaqësues të lartë të vendeve të BE si edhe drejtues të OECD, BERZH, Bankës Botërore dhe institucione të tjera ndërkombëtare. Presidenti i Ukrainës Volodymyr Zelenskyy ka përshendetur gjithashtu punimet gjatë Sesionit Plenar përmes një video konference.

Si vend anëtar i NATO-s dhe në cilësinë e kryesueses së Presidencës së Këshillit të Sigurisë në Organizatën e Kombeve të Bashkuara përgjatë muajit Qershor 2022, Shqipëria ka dënuar dhe dënon ashpër sulmin e paprovokuar të Rusisë në Ukrainë dhe i eshtë bashkuar thirrjes së partnerëve dhe aleatëve tanë strategjikë për respektimin e sovranitetit dhe tërësisë territoriale të Ukrainës.

Shqipëria ka luajtur një rol proaktiv në këtë situatë të paprecedentë, si anëtare jo e përhershme e Këshillit të Sigurimit të OKB, duke u angazhuar përgjatë presidencës së saj të qershorit ne Keshillin e Sigurimit, në avancimin e përgjigjes globale ndaj agresionit rus në Ukrainë. Shqipëria iu bashkua pa asnje hezitim sanksioneve të vendosura ndaj Rusisë nga vendet e NATO dhe BE. Në të njëjtën kohë Shqipëria ka mirëpritur dhe do të mirëpresë qytetarët nga Ukraina që janë detyruar të braktisin shtëpitë e tyre për shkak të luftës.

Gjatë punimeve të Konferencës, Ahmetaj eshtë takuar me presidentin dhe ministrin e Jashtëm të Zvicrës Ignazio Cassis, kryeministrin e Ukrainës Denys Shmyhal, kryetarin e Kuvendit të Ukrainës Ruslan Stefanchuk, si dhe ka zhvilluar një takim bilateral me sekretaren e Shtetit dhe kryesuesen e Negociatave me BE të Konfederatës së Zvicrës znj. Livia Leu.

Palët ndanë qendrimin e përbashkët se invazioni rus në Ukrainë përfaqëson një rrezik të shtuar edhe për sigurinë dhe stabilitetin në Ballkanin Perëndimor dhe duhet të shërbejë si një sinjal i qartë për NATO dhe BE për marrjen e masave të nevojshme dhe në kohën e duhur, që vendet e rajonit që aspirojnë integrimin në familjen e përbashkët euro-atlantike, të mund të përmbushin sa më shpejt aspiratat e tyre. Theks i vecantë u vendos në përshpejtimin e procesit të integrimit të Shqipërisë dhe Maqedonisë së Veriut pas vendimit të Parlamentit Bullgar për heqjen e VETO-s ndaj Maqedonisë së Veriut.

“Krevat dopio në zyrën e Ficos”, QSUT hedh poshtë akuzat e Berishës: Po investojmë për Spitalin e Ri, balta e hedhur nuk do të na demotivojë

15:47 Sociale 12 komente

Veliaj pret familjarët dhe miqtë e kompozitorit të madh shqiptar, Çesk Zadeja: “Përkujtojmë veprën e jashtëzakonshme në vitin e 95-vjetorit të lindjes së tij”

15:08 Sociale

Mevlan Shanaj: Turp të shkojmë në banka, të konfirmojmë që nuk kemi vdekur!

11:02 Sociale 100 komente

PAPUNËSIA/ Kukësi dhe Gjirokastra me normën më të ulët, ja qytetet më problematike

09:26 Sociale 1 koment

Deri të premten temperatura 41 gradë

09:07 Sociale

Rritja e çmimeve të ushqimeve në Shqipëri, Zëri i Amerikës: Në kushte mbijetese mijëra familje

21:45 Sociale 4 komente

Zjarr masiv në fshatin Qesarat të Gjirokastrës

21:17 Sociale

Raporti ndërkombëtar ngre alarmin: 91 mijë të moshuar në Shqipëri kanë nevojë për kujdes afatgjatë

18:06 Sociale 1 koment

Gjoni na la mitin e mirësisë!

12:20 Sociale 9 komente

Rruga e Lumit të Vlorës, Rama: Shkurton distancën drejt Jonit dhe zgjeron hartën turistike të jugut

09:15 Sociale 68 komente