Te fundit
Blerina Gjylameti prezantohet si Drejtoresha e re e AKU: Siguria ushqimore, prioritet kombëtar
22 Janar 2026, 14:38Sociale
TEMA
Ministri i Bujqësisë dhe Zhvillimit Rural, Andis Salla, prezantoi sot Drejtoreshën e re të Përgjithshme të Autoritetit Kombëtar të Ushqimit (AKU), Blerina Gjylameti, në një takim me ekipin drejtues të institucionit.
Gjatë prezantimit, Ministri Salla vuri theksin te rëndësia e drejtimit dhe menaxhimit efikas të institucionit, si dhe te roli kyç i sigurisë ushqimore në procesin e integrimit europian. “Ndamë me ekipin drejtues rëndësinë e menaxhimit efikas të punës dhe vëmendjen e shtuar ndaj sigurisë ushqimore, e cila mbetet një prioritet kombëtar dhe një shtyllë thelbësore e procesit tonë të integrimit në Bashkimin Evropian,” u shpreh ministri.
Ministri i Bujqësisë dhe Zhvillimit Rural theksoi se AKU do të vijojë të forcojë rolin e tij institucional në funksion të qytetarëve dhe biznesit. “AKU do të vijojë të forcojë besimin e publikut dhe rolin e tij kyç në garantimin e ushqimit të sigurt dhe cilësor, përmes kontrolleve të bazuara në risk dhe rritjes së profesionalizmit të inspektimeve, në shërbim të konsumatorëve dhe biznesit,” theksoi Salla.
Në përfundim, Ministri Salla shprehu mirënjohjen për drejtuesin e deritanishëm të institucionit dhe e falënderoi për angazhimin dhe kontributin e dhënë, si dhe i uroi suksese në detyrën e re Drejtoreshës së Përgjithshme, Blerina Gjylameti.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me ne fund edhe Gjylameti me nje post ,u sakrifikove per hajer te partise qe ta merte XHacka mandatin se kush e voton xhacken plus e implikon direkt kryeministrin me firmat e saj ,por mos t ia hame hakun ,gojoret xhacka i ka filluar qe ne kohen e firmave piramidale , e gjuante lekun se me ato gojore perfundoi dhe shkollen ne amerike
Po clidhje ka kjo me AKU? Ja sa seriozisht e kane ceshtjen ushqimore. Se doli e po pergjerohej para ca ditesh per directives e BE. Pak veterinare e mjeke ke?