Dita e Verës, Ministri i Drejtësisë në Institutin e të Miturve: “Drejtësia për të miturit është një mundësi për të ndërtuar një rrugë të re në jetë”

Ministri i Drejtësisë Toni Gogu zhvilloi një vizitë në Institutin e të Miturve në Kavajë, me rastin e festimit të Ditës së Verës, ku u zhvilluan aktivitete kulturore dhe edukative me pjesëmarrjen e të rinjve të institucionit.

Gjatë vizitës, ministri u njoh nga afër me aktivitetet që zhvillohen në institut dhe theksoi rëndësinë e programeve të rehabilitimit, arsimit dhe formimit profesional për të rinjtë që ndodhen në konflikt me ligjin.

Në fjalën e tij, ai nënvizoi se drejtësia për të miturit duhet të shkojë përtej ndëshkimit dhe të krijojë mundësi reale për rikthimin e tyre në shoqëri.

“Një shoqëri e fortë nuk është ajo që vetëm ndëshkon gabimet, por ajo që krijon mundësinë që një i ri të ngrihet përsëri dhe të ndërtojë një rrugë të re në jetë,” u shpreh ministri.

Gjatë aktivitetit, ministri dhuroi për bibliotekën e institutit librin Të Mjerët të Viktor Hygo, një nga veprat më të njohura të letërsisë botërore, që trajton temën e drejtësisë, mëshirës dhe shansit të dytë në jetë.

Ministri theksoi se sistemi i drejtësisë për të miturit duhet të fokusohet gjithnjë e më shumë në arsim, aftësi profesionale dhe programe rehabilitimi që ndihmojnë të rinjtë të ndërtojnë një të ardhme më të mirë.

Vizita në Institutin e të Miturve në Kavajë ishte pjesë e angazhimit të Ministrisë së Drejtësisë për të forcuar politikat që mbështesin rehabilitimin dhe ri-integrimin e të miturve në shoqëri.

Presidenti Begaj uron Ditën e Verës

09:25 Sociale 1 koment

Shabani: 75 për qind e vendimeve të Strasburgut nuk janë zbatuar në Shqipëri

07:40 Sociale 2 komente

Prezantohet raporti vjetor i IMT / Sulaj: Do vijojmë deri në lirimin e çdo hapësire publike

19:53 Sociale 1 koment

Inspektori i Përgjithshëm, Dash Sula: Luftë barnave të skaduara dhe kontrabandës

18:55 Sociale 1 koment

Platformave sociale u kërkohen kufizime më të forta për fëmijët në rrjetet sociale

17:30 Sociale 1 koment

Porto Romano vs Porti i Pireut

15:50 Sociale 6 komente

Zgjidhet ngërçi për Fakultetin e Rehabilitimit, njihen diplomat e fizioterapisë

13:20 Sociale

Grida Duma s’i mban dot lotët nga efektivi i RENEA-s: Është e vështirë të kesh një djalë si ty në Shqipëri

11:05 Sociale 40 komente

Pse Shqipëria mbetet e pambrojtur nga hakerat iranianë?

11:00 Sociale

Sara Mila zbulon nisëm e deputetëve të Elbasanit: Do të çojmë ballokume në Kuvend

10:55 Sociale 5 komente