Ekspertët: Shfrytëzimi i fëmijëve në punë, fenomeni duhet parandaluar

“Në Tiranë, fëmijë që punojnë i sheh në rrugët kryesore e lokale. Të vegjlit shesin lule për të fituar para në çdo orë të ditës e në mbrëmje deri vonë”.

Tavolinë më tavolinë, një dorë që zgjatet me një trëndafil të kuq. Është kjo panorama e asaj që ndodh çdo natë. Fëmijët, kryesisht të moshës 5-13 vjeç, synojnë zonat që frekuentohen më shumë nga të rinjtë.

Ligji shqiptar garanton mbrojtje për fëmijët dhe Kodi i Punës ndalon punën te të miturit nën 16 vjeç. Sipas avokatit Redi Ramaj, puna ndër të tjera i ekspozon ata ndaj rrezikut.

“Mund të jenë objekt edhe i veprave penale, i shfrytëzimit dhe i abuzimit mbi ta”, tha ai.

Ndodhur në këtë situatë, ku fenomeni i fëmijëve në rrugë ka ardhur duke u përhapur, sipas juristëve institucionet duhet të përdorin instrumente më të fortë për parandalimin.

“Kemi pasur raste në gjykatë ku prindërit i kanë detyruar të bëjnë këto veprime të paligjshme. Institucionet shtetërore duhet të ndërhyjnë sepse legjislacioni ekziston dhe mundësitë që ata të gjejnë një zgjidhje duke u përkujdesur janë”, tha Ramaj.

Përveç rrezikut, një fëmijë që del në rrugë për të punuar përballet edhe me të tjera pasoja.

“Gjëja e parë që ndikon tek ata është elementi i stresit, frika dhe pasiguria. Por, mbi të gjitha, pasiguria që kanë në familje, përderisa i gjen në mjediset e rrugës. Braktisja e arsimit është një nga problematikat më të mëdha që kanë fëmijët që punojnë“, tha Arjana Muçaj, sociologe.

Në disa raste janë prindërit që i detyrojnë, por arsyet pse një fëmijë gjendet në kushtet e punës janë të ndryshme.

“Janë arsyet ekonomike që ka familja; në shumicën e rasteve janë familje të varfra. Fëmijët kthehen në mbështetje për familjen. Ka prindër që janë problematikë, të alkoolizuar, ku ekziston dhuna, dhe ndonjëherë ky fëmijë e sheh veten më mirë duke ndenjur e shitur në rrugë sesa të jetë pjesë e atij mjedisi”, tha Muçaj.

Sipas sociologes, fëmijët që punojnë janë gjithashtu objekt i bullizmit nga bashkëmoshtarët e tyre, arsye që ndër të tjera i detyron të braktisin edhe shkollën.

Të mësuarit si dikur, provimet me shkrim dore dhe me gojë po rikthehen

21:50 Sociale

Ku do të ‘arratisen’ shqiptarët për festën e fundvitit?

18:41 Sociale 1 koment

Fluks i lartë në Kapshticë dhe Qafë Thanë, qytetarët kthehen për të kaluar festat me familjarët

16:55 Sociale 1 koment

Plazh në dhjetor, qytetarët në Vlorë sfidojnë temperaturat e ulëta

11:20 Sociale 4 komente

Festat e fundvitit kthejnë emigrantët në atdhe, fluks i lartë pasagjerësh në portin e Vlorës

10:26 Sociale 1 koment

Emigranti shqiptar nuk do të deportohet nga Britania, "e shpëtoi" e dashura e tij pasi nuk flet shqip

19:41 Sociale 2 komente

VIDEO/ Mitet që meshkujt besojnë në lidhje me veten, mjeku androlog shpjegon

18:00 Sociale

Shifër rekord e emigrantëve që kalojnë Kapshticën për festat e fundvitit

14:19 Sociale 2 komente

VIDEO/ Mijëra udhëtarë të bllokuar prej 2 orësh në kontrollin e pasaportave në Aeroportin e Bergamos

12:52 Sociale 11 komente

Diagnostikohet rasti i parë me fruth në Shqipëri, i infektuar një fëmijë

12:20 Sociale