Te fundit
Gruaja me sëmundje të rrallë të gjakut bëhet nënë, rasti i parë në Shqipëri
12 Qershor 2024, 19:24Sociale
TEMA
Një rast suksesi u arrit tek një paciente e diagnostikuar përpara shtatzënisë me trombocitopenia, purpure idiopatike, falë bashkëpunimit të mjekëve obstetër-gjinekologë, mjekëve reanimatorë, hematologë dhe atyre pediatër në SUOGJ “Mbretëresha Geraldinë”.
Lajmi u bë i ditur nga ministrja e Shëndetësisë dhe Mbrojtjes Sociale, Albana Koçiu në një postim në rrjetet sociale.
“Falë kësaj ndërhyrje pacientja dhe bebi i saj gëzojnë shëndet të plotë. Ky është rasti i parë në Shqipëri i dokumentuar që një shtatzëni e tillë të shkojë deri në muajin e 9-të duke shpëtuar jetën e nënës dhe vogëlushit të saj”, theksoi Koçiu.
Ministrja Koçiu shprehu mirënjohje për ekipin e mjekëve: Prof. dr. Eliona Demaliaj, dr. Marinela Lica, dr. Zef Delia, dr. Adela Perolli dhe dr. Spiro Dama.
Në videon e publikuar nga ministrja Koçiu, prof. dr. Eliona Demaliaj tha se “sakrificat e një nëne janë të pafundme. Nëna përpara shtatzënisë vuante nga një patologji e rëndë në shtatzëni. Nëna me dashurinë e madhe për të pasur fëmijë rrezikoi jetën dhe mori përsipër vazhdimin e shtatzënisë, por pati besim tek mjekët dhe sistemi shëndetësor publik dhe duke bashkëpunuar me ne arriti të ketë shtatzëni të suksesshme dhe fëmija të gëzojë shëndet të plotë”.
Dr. Zef Delia u shpreh se “Irma Sulaj, 35 vjeçe erdhi nga Berati në Tiranë për një trajtim më të kualifikuar, pasi vuan nga një sëmundje e rrallë e gjakut. Bebi edhe nëna e re, Irma Sulaj falënderoi mjekët për përkushtimin e tyre”.
“Falë përkushtimit të prof. dr. Eliona Demaliaj për 9 muaj rresht arrita të kem djalin tim Amar sot në krahë”, tha Sulaj duke shtuar se “mjekët janë heronj”.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Zoti ju shperblefte
Bebja me jete e nafake! Saudite osh kjo nona qy e ka qujt çunin Amar?
Injoranca e instituticioneve eshte pa kufi. Perse sillen detaje te personit, me emer dhe mbiemer? Kane degjuar keta per ruajtjen e privatesise se personit?
INJORANCE !!!!!!!!! eshte qytetare e thjeshte . nuk ka asgje per te fshehur. Nuk eshte politikane dhe kriminele !