Te fundit
Komisioni Evropian: Media në Shqipëri nën sulme denigruese nga aktorë të politikës
12 Tetor 2022, 19:11Sociale
TEMA
Raporti i progresit i Komisionit Evropian, i publikuar të mërkurën, vuri në dukje se Shqipëria kishte bërë përparime qoftë edhe të vogla në një sërë fushash të vlerësuara mes qershorit 2021-2022, përveç lirisë së medias, e cënuar sipas KE-së nga përdorimi i “gjuhës denigruese kundër gazetarëve” prej politikanëve.
Raporti që është i pari pas hapjes formale të negociatave dhe konferencës së parë ndërqeveritare në korrik të këtij viti, është kritik edhe sa i përket të drejtave të personave me aftësi të kufizuar, të drejtave procedurale të personave nën akuzë dhe mos avancimit me legjislacion të përshtatshëm në një sërë fushash.
Ndërkohë edhe pse raporton për nivele të lartë korrupsioni – sidomos në menaxhimin e pronave dhe prokurimet publike, raporti nënvizon se në këtë drejtim ishte bërë “pak progres”, duke veçuar ndër të tjera edhe dënimin e ish-ministrit të Brendshëm Saimir, Tahiri dhe ish-Prokurorit të Përgjithshëm, Adriatik Llalla.
Raporti i progresit të Shqipërisë drejt Bashkimit Evropian është pjesë e paketës së zgjerimit të BE-së për Ballkanin Perendimor dhe Turqinë.
Raporti i Komisionit Evropian për Shqipërinë nënvizon se liria e shprehjes gjatë vitit 2021 është e cënuar kryesisht për shkak të interesave të ndërthurura mes politikës dhe biznesit, që sipas raportit kanë penguar “pavarësinë e medias dhe cilësinë e gazetarisë”.
Raporti ndër të tjera veçon sulmet ndaj gazetarëve dhe fushatat denigruese në rrjetet sociale.
“Gjatë periudhës së raportimit u panë rastë të kërcënimeve, intimidimit dhe fushatave virtuale shpifëse ndaj gazetarëve që raportonin mbi shtetin ligjor, korrupsionin dhe problemet e drejtësisë”, shkruhet në raport.
Sulmet e politikanëve ndaj gazetarëve po ashtu kritikohen në raport, ndërsa thuhet se vendi duhet të ndërmarrë një poltikë të zero tolerancës ndaj kësaj sjellje.
Raporti nuk përmend emra politikanësh, por aktorët kryesorë politikë në Shqipëri, përfshi kryeministrin Edi Rama, janë kritikuar në vijimësi për gjuhën e përdorur ndaj gazetarëve, denigrimin gjatë konferencave për shtyp dhe sulmet online prej militantëve të tyre.
Por gjasat për ndryshim të situatës janë të vogla, sa kohë përfaqësuesit politikë nuk i pranojnë ato. Kritikat e raportit vijnë pas qëndrimeve të ngjashme nga organizata “Reporter pa kufij” në maj të këtij viti, që u cilësuan si gënjeshtra nga Rama në një seri postimesh në Twitter. Kryeministri vetë vijoi të shënjestrojë gazetarë edhe nominalisht në disa konferenca shtypi, ndërsa përdori platformat sociale për të akuzuar reporterët për keqinformim duke postuar edhe fotografi të tyre.
Raporti rithekson cënimin e lirisë së medias përmes materialeve të gatshme nga partitë politikë dhe qeveria dhe vë në dukje shqetësimin e krijuar nga monopolizimi i marrëdhënieve publike të qeverisë përmes Agjencisë për Media dhe Informim.
Amnistia fiskale dhe pasaportat e arta
Raporti i progresit e vlerëson ndryshimin gjatë periudhës së raportimit në vendet kandidate me pesë shkallë: 1. Hapa pas; 2. Jo Progres; 3. Pak Progres; 4. Shumë progres dhe; 5. Progres shumë i mirë.
Raporti i radhës për Shqipëri nuk ka asnjë rast të vlerësimit shumë mirë dhe asnjë rast të vlerësimit “hap pas”, por në të theksohen dy iniciativa të qeverisë që nëse miratohen do të cënonin progresin e arritur.
Raporti vë në dukje se “amnistia fiskale”, një nismë që kryeministri Edi Rama ka mbrojtur me kokfortësi duke i cilkësuar kritikat e BE me ironi si “keqkuptime” dhe “mosdëshirën për të mos kuptuar”, do të cënonte progresin e arritur sa i përket luftës kundër pastrimit të parave dhe në fushën e konkurencës së lirë.
“Miratimi i aministisë fiskale dhe kriminale kundër këshillave të Bashkimit Europian dhe Moneyval vë në rrezik progresin e arritur në këtë fushë (konkurencën e lirë) dhe gjithashtu edhe luftën kundër pastrimit të parave”, thuhet në raport.
Njësoj raporti i kërkon qeverisë që të “përmbahet” nga miratimi i skemës së shtetësisë për investitorë. Një skemë që sipas raportit sjell rreziqe të sigurisë, pastrimit të parave, evazionit fiskal, financimit të terrorizmit dhe infiltrimit prej krimit të organizuar”.
Në raport thuhet se kjo skemë nuk përputhet me legjislacionin e Bashkimit Europian.(BIRN)
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Këta me këto raportet janë komplet out,ku ka media më të lirë në botë se në Shqipëri,shkruajnë e thonë ca ju do qefi dhe sbajne asnjë pergjegjesi
A e dinë këta evropianët se media shqiptare janë lavatriçe parash?
Nuk e di perse vazhdon akoma kjo farse me gjoja median e "dhunuar". Kush e dhunon median ketu? Media ketu jane dhunuesit me te medhenj. Gjithashtu, cfare eshte kjo se shteti duhet te siguroje financime medias? Nqs ndodh keshtu, atehere media nuk eshte e pavarur. Perseri shikojme qe media e korruptuar dergon raportet e saj duke u munduar te mbuloje dhunen dhe korrupsionin qe ben ndaj popullit ne pergjithesi per te perfituar per vete.
Plako shume dobet sot, vetem 2 komente. Hajt shkruaj ndonje gje mos e merr rrogen kot.
Kane 31- vjet qe bejne thjeshte mjergullojne gjithcka duke sabotuar te Verteten ne Shqiperi e jashte saj. Jane bijt e baballareve eshte ceshtje genetike jo Drejtesie sepse per kta nuk ekziston Drejtesi ne kte Bote
Normale sepse per 30 vite gazetaret kane qene lakenj te qeverise dhe pushtetit, me zero integritet por thjesht hidhen andej ku gjejne lekun! Ndersa po doli nje i pavarur qe provon te ekspozoje, do te mbytet me gjoba dhe raprezalje. Shihni rregulloren e re te KLP: NQS nje gazetar nuk promovon ato qe thote shteti i hiqet leja per te raportuar! Neser mund te fillojne te denojne me gjyqe komuniste pa mbrojtje, dhe media duhet te ndjeke vetem vijen zyrtare sepse ndryshe ka "opinione qe bien ndesh me vlerat e drejtesise". Pra lajmin e shkruan dhe redakton shteti, media vetem ta hedhi ne faqe?? Apo Rama qe thote qe do ti "riedukoje" gazetaret qe nuk thone te verteten, qe e vendos vetem ai! Komunizmit nuk mund ti shpetojme asnjehere sa kohe ne krye jane keto figura te vjetra, ne te gjitha partite!