Te fundit
Koncerti i festave të fundvitit, qytetarët festojnë në shesh, Veliaj: E kemi transformuar Tiranën në një qytet europian
24 Dhjetor 2024, 20:52Sociale
TEMA
Tirana po shndrin nga ngjyrat në vigjilje të Krishtlindjes! Sipas traditës, qytetarët janë mbledhur në shesh, aty ku të gjithë së bashku, nën dritat e pemës, festojnë pranë të dashurve të tyre. Kryebashkiaku i Tiranës, Erion Veliaj e çeli mbrëmjen festive të koncertit të fundvitit në Sheshin “Skenderbej”, me një urim të veçantë dhe dy lajme të mira për qytetarët.
“Ky shesh është bërë më i bukur se kurrë këtë fundvit dhe më vjen mirë që, e gjithë ajo punë dhe sakrificë për fëmijët e qytetit po shpërblehet çdo ditë e më shumë. Dua t'i uroj dhe gjysheve dhe gjyshërve gëzuar festat. Ata kanë sakrifikuar kaq shumë, është ndoshta brezi më i përvuajtur, që ka kaluar situatat më të vështira të historisë sonë, por edhe ka kontribuuar kaq shumë për vendin. Më vjen mirë që nga data 1 janar të gjithë gjyshërit dhe gjyshet do të kenë mundësi të udhëtojnë falas me autobus, me abonenë e subvencionuar nga Bashkia e Tiranës. Gëzuar edhe prindërve të mrekullueshëm të qytetit tonë, që rrisin këta fëmijë. U uroj shërim të shpejtë kushdo që është sëmurë, po ashtu të gjithë ata që janë të dekurajuar të gjejnë forcë dhe guxim. Ju falenderoj me gjithë zemër për lutjet, për kurajën, edhe për të gjithë bashkëpunimin e shkëlqyer për ta bërë këtë qytet vërtet europian. Nuk dua të harrojmë se nga data 1 janar, Tirana do të jetë Kryeqyteti Mesdhetar i Kulturës dhe Dialogut: do të thotë se do të kemi pafund aktivitete ku mund të vini të këndoni, të kërceni, edhe unë duke qenë se s’jam shumë i mirë te kënga dhe vallet, do rri aty në rresht të parë t’ju duartrokas gjithmonë. Gëzuar festat dhe bekime për të gjithë!”, u shpreh Veliaj.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mbase urimin tjeter do te na e besh nga burgu. Hajdut
KESHTU TA BESH DHE PER FESTEN E BAJRAMIT ,,,,MOS BEJ VETEM PER KAURET QE FESTOJNE KRISHTLINDJET ,,,
Bukur e ke bere urimin per qytetaret e Tiranes po ku te mblidhen e ke menduar ? E ke zene gjithe sheshin me kjoska kafene sidikur LANA ska vend per te hedhur valle apo per t mbledhur njerzit ?I keni zene frymen Te madhit Skenderbe mbi kale ??? Kalova para dy ditesh dhe u habita ,te lodhnin syte edhe trurin tere ato qe kishin dale per te shitur edhe sazet nuk mungonin te benin te kerceje po ku ???Skish ngele hapsire te merje valle ??Nuk e di e kujt ka qene IDEJA por e tepruar ???
Astiri rruge shume te keqija dhe e mbytur nga mbeturinat, Nje tmerr i vertet .Kjo eshte Tirana ne periferi ,pa lere trafiku qe eshte cmenduri.