Te fundit
Ministria e Jashtme: S’ka viktima me kombësi shqiptare në Kanalin Anglez
14 Dhjetor 2022, 19:40Sociale
TEMA
Ministria e Punëve të Jashtme të Shqipërisë ka reaguar në lidhje me ngjarjen e rëndë të ndodhur këtë të mërkurë në Kanalin Anglez, ku si pasojë e mbytjes së një varke, humbën jetën 4 emigrantë.
Pyetur nga Euronews Albania, ky institucion bëri të ditur se asnjë nga viktimat, nuk ka kombësi shqiptare. Sipas disa informacioneve jo zyrtare, thuhet se një i mbijetuar, është shtetas shqiptar.
Katër persona janë mbytur pasi një varkë me emigrantë u ndodh në vështirësi teksa po kalonte Kanalin Anglez.
Sipas informacioneve të fundit, 43 persona janë shpëtuar, 30 prej të cilëve ndodheshin në ujë. Një operacion madhor kërkim-shpëtimi u zhvillua në ujërat mes lokalitetit të Kentit dhe Francës, nën kushte të vështira moti.
Episodi i rëndë vjen një ditë pasi kryeministri i Mbretërisë së Bashkuar, Rishi Sunak njoftoi strategjinë e re për t’i dhënë fund emigracionit të paligjshëm përmes La Manshit, duke e vënë theksin tek fluksi i emigrantëve shqiptarë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Uau sa te kujdesshem per diku andej nga Kanali i La Manshit! Po per Jugun e shtetit shqiptar jeni te kujdesshem? https://m.facebook.com/story.php?story_fbid=pfbid02x2czjiMghidr3b4L5mn7rJe3EQPMZ3yASnBiQRQoYzEDtmhr8LaXxSRcyKgggvS5l
Ç'thotë Partia bën populli, ç'do populli bën Partia!