Miratohet udhëzimi i ri shkollor: Ndalim celularësh dhe masa kundër bullizmit

Me nisjen e vitit të ri shkollor, Ministria e Arsimit dhe Ministria e Ekonomisë, Kulturës dhe Inovacionit kanë miratuar një udhëzim të përbashkët që përcakton masat kryesore për mbarëvajtjen e vitit shkollor 2025–2026 në sistemin arsimor parauniversitar.

Udhëzimi, i botuar në Fletoren Zyrtare, përfshin një sërë detyrimesh që lidhen me regjistrimin e nxënësve, shpërndarjen e teksteve shkollore, ndalimin e përdorimit të celularëve në shkolla, si dhe parandalimin e dhunës dhe bullizmit në institucionet arsimore.

Fillimisht në udhëzim përcaktohet se regjistrimet e nxënësve në Institucionet Arsimore Parauniversitare (IAP) të bëhen në përputhje me kuadrin ligjor në fuqi që përcakton moshën dhe dokumentacionin e nevojshëm.

Për shpërndarjen e testeve shkollore udhëzimi përcakton se drejtoritë e IAP-ve duhet të afishojnë në vend të dukshëm listën e teksteve shkollore, ku të shënohen titulli, shtëpia botuese, çmimi i tekstit për çdo klasë, vendi ku do të shpërndahen tekstet, si dhe periudha e shpërndarjes sipas një grafiku për çdo klasë.

Institucionet arsimore vendore, përgjegjëse për arsimin parauniversitar, drejtuesit e IAP-ve dhe mësuesit të ndjekin me përgjegjësi procesin e shpërndarjes dhe të shitjes së teksteve shkollore për të gjithë nxënësit para fillimit të procesit mësimor dhe të pajisjes me tekste shkollore në përdorim falas për klasat I–IX të arsimit bazë.

Po ashtu kërkohet që prej institucioneve arsimore vendore, përgjegjëse për arsimin parauniversitar dhe institucionet arsimore parauniversitare të marrin masa për zbatimin e legjislacionit në fuqi për ndalimin e përdorimit të telefonit celular në mjediset e institucioneve arsimore parauniversitare.

Prioritet mbetet edhe masat kundër dhunës dhe bullizimit, ku u është kërkuar ZVAP-ve dhe drejtoritë e shkollave të zbatojnë me prioritet Planin Kombëtar të Veprimit “Për fuqizimin e mekanizmave të parandalimit të çdo forme dhune e bullizimi dhe rritjen e sigurisë në institucionet arsimore parauniversitare”, miratuar me urdhrin nr. 32, datë 21.1.2025.

Ndër masat konkrete të kërkuara janë: zbatimi i Kodit të Etikës së mësuesit (gusht 2025), planifikimi i veprimtarive ndërgjegjësuese për parandalimin e dhunës, bullizmit dhe ekstremizmit, ngritja e këndit “Stop dhunës në shkollë” dhe ekipeve “antibulling” në çdo shkollë. Gjithashtu, theksohet nevoja për monitorimin e komisioneve të etikës dhe disiplinës, si dhe organizimi i veprimtarive sensibilizuese më 21 nëntor, në kuadër të Ditës Ndërkombëtare kundër Dhunës në Shkollë./Monitor

Femrat mbajnë peshën kryesore në bashkitë e vendit: 77% e stafit me gra

21:10 Sociale 1 koment

Shqipëria si Turqia, magazinë e mallrave false

20:20 Sociale 3 komente

Shqipëria, një “qytet” me të huaj!

19:40 Sociale 3 komente

“Kur do kemi ndonjë dasmë more?" - Si po shuhet kjo traditë e vjetër

19:31 Sociale 8 komente

Naun Shundi do të trajtohet në QSUT, Ministria e Shëndetësisë ofron mbështetje të plotë

19:04 Sociale 3 komente

Tabaku: Shqipëria po plaket nga sistemi aktual, ndryshimi është i domosdoshëm

16:43 Sociale 26 komente

Zjarr në Cërrik! Riaktivizohen vatrat pranë 'Kurorës së Dardhës' në Shkodër, në ndihmë helikopteri

16:29 Sociale 1 koment

Next to Vala Mar Premium dhe potenciali i zonës së Hamallajt në tregun e pasurive të paluajtshme

16:28 Sociale 2 komente

Shqipëria kryeson Europën me 152% rritje të fluturimeve në korrik krahasuar me para pandeminë

11:44 Sociale

VIDEO/ Spitali i ri i Kirurgjisë Kardiovaskulare pothuajse gati, Rama: Një nga investimet më të rëndësishme në sistemin shëndetësor

11:30 Sociale 2 komente