Ndryshime në Kodin Rrugor: 70 orë trajnim për shoferët e rinj profesionistë, ndryshon testi teorik dhe praktik

Ministria e Infrastrukturës dhe Energjisë ka miratuar udhëzimin e ri, i cili ndryshon rrënjësisht mënyrën se si shoferët profesionistë (kategoritë C dhe D) do të kualifikohen dhe rinovojnë certifikatat e tyre. Ky udhëzim synon përafrimin me standardet evropiane dhe rritjen e sigurisë rrugore përmes teknologjisë së avancuar.

Strukturë e re e orëve mësimore

Udhëzimi përcakton saktë kohëzgjatjen e kurseve për kualifikimin fillestar dhe atë periodik. Për kualifikimin për herë të parë për teorinë do të zhvillohen 60 orë në jo më pak se 15 ditë. Kurse për praktikën do të zhvillohen 10 orë në jo më pak se 5 ditë.

Trajnimi për rinovim lidhur me teorinë do të zhvillohet në 35 orë në jo më pak se 7 ditë.

“Kodi 95” dhe digjitalizimi

Një risi është shënimi i “Kodit 95” direkt në lejen e drejtimit ose në CAP. Ky kod vërteton se drejtuesi ka përmbushur kërkesat profesionale të Bashkimit Evropian për transportin e mallrave dhe pasagjerëve.

Programi i ri mësimor përfshin tema moderne që nuk kanë qenë më parë, si Smart Tachograph V2. Kjo lidhet me njohuri mbi gjeneratën e re të tahografëve inteligjentë.

Lidhur me sistemet ADAS, shoferët do të mësojnë mbi sistemet e ndihmës në drejtim (frenimi automatik, mbajtja e korsi, paralajmërimi i goditjes).

Ndërsa drejtimi ekologjik ka në fokus të veçantë kursimin e karburantit dhe uljen e emetimeve në mjedis.

DPSHTRR (Drejtoria e Përgjithshme e Shërbimeve të Transportit Rrugor) merr kompetenca më të forta monitoruese. Autoshkollat duhet të marrin një vendim miratues për të ofruar kurse CAP, si dhe do të ushtrohen kontrolle periodike vjetore për bazën didaktike, mjetet dhe personelin.

Nëse nuk plotësohen kriteret, autoshkollat çregjistrohen menjëherë nga sistemi.

Shëndeti dhe sjellja profesionale

Ndryshe nga trajnimet e vjetra, programi i ri i kushton 8 orë shëndetit dhe emergjencave, duke përfshirë menaxhimin e stresit dhe faktorët psikologjikë; efektet e alkoolit dhe ushqyerjen e balancuar; parandalimin e kriminalitetit dhe trafikimit të paligjshëm gjatë transportit.

Rinovimi i CAP tashmë kushtëzohet plotësisht nga përfundimi i trajnimit periodik prej 35 orësh. Nëse zotëroni dy lloje CAP (për mallra dhe pasagjerë), rinovimi mund të kryhet njëkohësisht.

Reforma e mbetjeve, nga viti 2029, faturat e pastrimit do të paguhen sipas peshës

15:45 Sociale 2 komente

Fundi i kaosit në Sarandë - Terminali i ri synon të lehtësojë trafikun dhe transportin e udhëtarëve

13:15 Sociale 1 koment

Kumbaro inspekton palestrën e re në gjimnazin “28 Nëntori” në Shkodër: Hapësira i rikthehet nxënësve dhe komunitetit, fokus te programi pas shkolle

12:24 Sociale 1 koment

Bonusi i qirasë për banorët e pallatit të djegur, Dango: Më 27 prill dorëzohen dokumentet, dëmshpërblim edhe për orenditë shtëpiake

11:25 Sociale 2 komente

Paradoksi, shqiptarët ndër vendet me akses më të lartë në internet, të fundit për aftësitë digjitale

08:20 Sociale 2 komente

Shqipëria, vend i sigurt për të udhëtuar vetëm! Indeksi i sigurisë e rendit në vend të 59 nga 116 shtete

21:55 Sociale 4 komente

Shtohen fondet për barnat tumorale/ Sala: Buxheti këtë vit rritet me 3 miliardë lekë

19:54 Sociale

Ambasada Amerikane në Tiranë njofton shtrëngimin e masave të DASH për dhënien e vizave: Preken ata që punojnë në emër të kundërshtarëve tanë

17:50 Sociale 2 komente

Qendrat e emigrantëve në Shqipëri, 'OK' nga avokati i Gjykatës së BE: Por të mbrohen të drejtat e tyre! Meloni: Ecim përpara

16:30 Sociale 1 koment

Interpelancë në Kuvend për shëndetësinë, opozita akuza për sistemin onkologjik, Sala: Nuk mungojnë barna në QSUT, po bëjmë decentralizimin

15:35 Sociale