Te fundit
Praktika për mësuesit e rinj, ministrja Kushi: Nuk do të jetë më një vit, por tre muaj
18 Gusht 2022, 16:14Sociale
TEMA
Ministrja e Arsimit dhe Sportit Evis Kushi ka informuar sot një ndryshim të rëndësishëm që sjell urdhri për organizimin dhe zhvillimin e praktikave profesionale për profesionin e mësuesit.
Znj. Kushi në një status të publikuar në rrjete sociale bën të ditur se koha e praktikave profesionale është shkurtuar tashmë nga 1 vit, në 3 muaj. Ky është një hap që unifikon profesionin e mësuesit me profesionet e tjera të rregulluara, si ai i mjekut, i infermierit dhe i psikologut, duke mundësuar shkurtimin e kohës për pjesëmarrjen e mësuesve në portalin “Mësues për Shqipërinë” për punësim.
Statusi i plotë i Ministres Evis Kushi:
Dëshiroj të informoj të gjithë studentët dhe të sapodiplomuarit për mësuesi se me Urdhër Nr. 437, datë 20.07.2022, me ndryshimet e reja në Rregulloren e Praktikës Profesionale për profesionin e rregulluar të mësuesit, periudha e praktikës pas studimeve master nuk do të zgjasë më 1 vit, por vetëm 3 muaj (një periudhë mësimore).
Shkurtimi i kësaj periudhe vjen si unifikim i kohëzgjatjes së praktikës edhe me profesionet e tjera të rregulluara, si ai i mjekut, i infermierit dhe i psikologut, të cilët gjithashtu e kanë kohëzgjatjen e praktikës 3 muaj. Kjo mundëson pjesëmarrje më të shpejtë të mësuesve në portal e më pas edhe për punësim.
Në fokus të vëmendjes sonë janë pa dyshim nxënësit, për arsim cilësor e gjithëpërfshirës, por gjithashtu edhe mbështetja dhe vlerësimi i mësuesve në misionin e tyre për edukimin e brezave.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mendoj se është pozitive, por nuk mjafton. Pas praktikës duhet të ishte menjerë provimi i shtetit për marrjen e licencës së mësuesit. Praktikantët e vitit shkollor 2021-2022 ende nuk e kanë dhënë provimin dhe sipas pëvojës së viteve të fundit do e japin nga prilli i 2023-shit.Më pas vjen portali dhe po dolën mire, mund te kenë fatin të punësohen Praktika dhe provimi i shtetit mund të mënjanohen duke forcuar punën në universitet dhe te mbetej vetëm portali. Kalojani bashkive organizimin e arsimit që zyrat arsimore, hallkat e teperta DRAP, DPAP dhe Ministria te merren me cilësine dhe jo me tendera , organizime praktikash e provimesh të panevojshme