Rishfaqet Efraim Diveroli, trafikanti i armëve i lidhur me aferën që shkaktoi masakrën e Gërdecit: Në kulmin tim fitoja miliona çdo javë

Efraim Diveroli, një prej pjesëmarrësve kryesorë në aferën e Shkëlzen e Sali Berishës me municionet, që shkaktoi masakrën e Gërdecit, është shfaqur sërish në publik.

Në një intervistë të shkurtër dhe në dukje “spontane” për një influencer në rrjetet sociale, Diveroli flet për tregtinë e armëve, dhe sa fitiprurëse ishte ajo për të, që në fillime.

Ndërsa këmbëngul se ka shitur dhe blerë armë konform ligjit, Diveroli tregon se kulmi i fitimeve të kësaj veprimtarie ka qenë 2 milion dollarë në javë.

Intervista e plotë e Efraim Diverolit:

Gazetari: Çfarë bën për të jetuar?

Efraim Diveroli: A e ke parë “Ëar Dogs”?

Gazetari: Po, sigurisht.

Efraim Diveroli: Ai jam unë.

Gazetari: Kush?

Efraim Diveroli: Jonah Hill më luan mua.

Gazetari: Vërtet?

Efraim Diveroli: Po.

Gazetari: Si e ke emrin?

Efraim Diveroli: Efraim Diveroli.

Gazetari: Uau. “Ëar Dogs” është në fakt një nga filmat e mi të preferuar. A të bezdis nëse të bëj disa pyetje për filmin? Për çfarë është e saktë dhe çfarë jo?

Efraim Diveroli: Vazhdo.

Gazetari: Çfarë mendon se kanë bërë saktë? Dhe ku mendon se gabuan?

Efraim Diveroli: Historia u tregua nga këndvështrimi i një personi me të cilin pata një prishje marrëdhëniesh, fatkeqësisht. Prandaj nuk mendoj se ishte një karakterizim i saktë. Sigurisht që gjithçka u ekzagjerua dhe ndodhën shumë gjëra të çmendura. Më portretizuan si një tip mashtrues, si dikush që kishte vetëm një hile. Por në realitet, unë kam bërë 150 kontrata me qeverinë. U auditova për gjashtë muaj para se të merrja atë kontratë.

Gazetari: Meqë ra fjala, a e padite “Ëar Dogs”?

Efraim Diveroli: Po.

Gazetari: Sa para fitove nga kjo?

Efraim Diveroli: Nuk mund ta zbuloj shumën, por ishte një shumë e konsiderueshme.

Gazetari: Në atë kohë, ti ishe trafikanti më i ri i armëve në histori, apo jo?

Efraim Diveroli: Gjoja.

Gazetari: Sa para fitove duke bërë atë punë?

Efraim Diveroli: Në një moment po fitonim 2 milionë dollarë në javë.

Gazetari: Çfarë të frymëzoi në atë biznes? Dhe çfarë pe ti që të tjerët nuk e panë?

Efraim Diveroli: Ishte një mundësi unike. Nuk kishte shumë njerëz në atë lojë në atë kohë, si të thuash.

Gazetari: Sepse kur isha 21 vjeç, gjithçka që më interesonte ishte basketbolli dhe të ndiqja vajzat. Kur ti ishe 21 vjeç, çfarë të shtyu të doje të bëheshe tregtar armësh?

Efraim Diveroli: Edhe unë bëja pak qejf. Xhaxhai im kishte diçka si dyqan armësh. Mua më pëlqenin shumë armët dhe kjo më tërhoqi. U lidha pas asaj bote. Dhe isha i zoti në atë që bëja.

Gazetari: Dhe më pas, fatkeqësisht, përfundove për pak kohë në burg për shkak të kësaj, apo jo?

Efraim Diveroli: Katër vite. Mendoj se gjithë ai miti për “club fed” dhe gjëra të tilla është komplet budallallëk.

Gazetari: Çfarë po bën tani? Dhe cili është hapi tjetër për ty?

Efraim Diveroli: “The Diveroli Investments Group”. Është kompania ime familjare e investimeve. Investojmë shumë në treg, veçanërisht në kompani më të vogla. Marrim edhe role të tipit aktivist në investime.

Gazetari: Dhe pse njerëzit duhet të të besojnë ty me paratë e tyre?

Efraim Diveroli: Askush nuk më ka akuzuar ndonjëherë se i kam humbur qoftë edhe një qindarkë të kuqe dikujt.

Efraim Diveroli ishte një trafikant armësh nga Florida. Ai ishte presidenti i kompanisë “AEY”, e cila blinte municione kineze në Shqipëri për llogari të një tenderi të dhënë nga SHBA në vlerën 298 milionë dollarë. Me këto para, Departamenti Amerikan i Mbrojtjes kërkoi të furnizojë forcat afgane të sigurisë me municione, por Diveroli shkeli embargon e SHBA-ve ndaj municioneve dhe armëve kineze. Fishekët kinezë manipuloheshin me ambalazh tjetër në Gërdec.

Gjatë përgjimeve të Diverolit dhe Trebickës para shpërthimit të Gërdecit, Diveroli shprehet se në Gërdec janë implikuar Sali Berisha si kryeministër dhe Shkëlzeni, të cilët i konsideron si mafien më të fortë. Ndër të tjera, Efraim Diveroli shprehet se “...kjo gjë ka shkuar shumë lart, deri te Kryeministri dhe djali i tij. Kjo është. Kjo mafia është shumë e fortë për mua. Nuk mund ta luftoj këtë mafia. Është bërë shumë e madhe. Kafshët kanë dalë shumë jashtë kontrollit. Shumë lojtarë…”. Përgjimet janë pranuar nga Berisha dhe Shkëlzeni. Por, edhe Diveroli, ashtu si Luan Hoxha dhe Trebicka, më pas është tërhequr në mënyrë të dyshimtë, duke deklaruar se ka gënjyer.

DW: I nxehti në Europë, netë tropikale që para fillimit të verës

11:40 Sociale

TTW: Shqipëria drejt rekordit turistik dhe transformimit digjital

10:50 Sociale

82%-94% përkrahin politika social-ekonomike të majta, por vetëm 41% e konsiderojnë veten të majtë

09:45 Sociale

Kurban Bajrami, kryeministri Rama uron besimtarët: Gëzuar ditën e bekuar!

08:10 Sociale 5 komente

Shqiptarët, ndër më të lodhurit emocionalisht në vendin e punës në Europë, Kosova rekord

07:47 Sociale 1 koment

E drejta për provim në shqip, Studentët marshojnë drejt Ambasadës së Maqedonisë së Veriut në Tiranë, në mbështetje të studentëve shqiptarë në RMV

17:39 Sociale 6 komente

Sezoni turistik veror - Ministri Malaj: Masa për menaxhimin e flukseve turistike

17:25 Sociale 1 koment

Ndarja nga jeta e 7-vjeçarit në Elbasan, reagon shkolla “Sulejman Rrançi Mengel”: Zemrat tona janë të thyera

15:55 Sociale 1 koment

Një Gjeneral në krye të Akademisë së FA, Nufi: Arsimi ushtarak, qendra ku formohen oficerët e së nesërmes

15:45 Sociale 4 komente

Tirana mirëpret konferencën rajonale, Goxhobelli: Transformimi digjital i kadastrës, themel për integrimin europian dhe zhvillimin ekonomik

14:30 Sociale 3 komente