Te fundit
Turqia dhuron 40 automjete për ushtrinë shqiptare
3 Shtator 2022, 11:40Sociale
TEMA
40 automjete (Fiat EGEA) dhe autobusë u janë dhuruar Forcave të Armatosura të Shqipërisë nga Turqia. Ministri i Mbrojtjes Niko Peleshi, i pranishëm në ceremoninë e dhurimit shprehu falenderimet në emër të qeverisë shqiptare ndaj palës turke për mbështetjen e vazhdueshme që u ka dhënë Forcave të Armatosura për modernizimin e tyre dhe rritjen e kapaciteteve operacionale.
“Kjo ndihmë është shumë më tepër se një kontribut për modernizimin dhe rritjen e Forcave të Armatosura shqiptare, lëvizshmërinë dhe aftësitë operacionale. Është një simbol i një marrëdhënieje të vazhdueshme themeli të nxitur gjatë viteve të historisë sonë moderne. Dhe në ditët e sotme, trupat tona punojnë së bashku, stërviten dhe edukohen së bashku”, u shpreh gjatë fjalës së tij ministri Peleshi.
Ai përmendi faktin se një numër i lartë studentësh shqiptarë janë diplomuar në akademitë ushtarake turke, duke e cilësuar këtë një shtyllë të fortë të bashkëpunimit mes dy vendeve që prej vitit 1992. Po ashtu Ministri i Mbrojtjes vlerësoi ndihmën e dhënë edhe për emergjencat civile, kryesisht nëpërmjet marrëveshjeve financiare dhe granteve ushtarake, duke përmendur këtu nënshkrimin e dy marrëveshjeve të bashkëpunimit financiar ushtarak mes dy ministrive të mbrojtjeve të dy vendeve.
Duke folur për sfidat e sigurisë veçanërisht pas nisjes së agresionit rus në Ukrainë që prej 24 shkurtit të këtij viti, ministri Peleshi tha se: “Ne kemi qenë kudo ku ishte NATO dhe jemi të pranishëm sa herë që NATO është. Ne jemi krenarë që ndajmë barrën tonë në Aleancë.
Është një sfidë për secilin prej nesh që të përballemi me një mjedis të tensionuar dhe të rrezikshëm sigurie. Përgatitja e modernizimit dhe zhvillimit të aftësive dhe kapaciteteve ushtarake duhet të jetë në fokusin tonë. Dhe mbështetja e aleatëve dhe partnerëve tanë të NATO-s është e pazëvendësueshme në këtë drejtim”.
Nga ana e tij ambasadori i Turqisë në Tiranë, Tayyar Kağan Atay tha se kjo ndihmë është një manifestim i qartë i marrëdhënieve vëllazërore mes Turqisë dhe Shqipërisë. “Ne e shikojmë Shqipërinë si një vend kyç për stabilitetin e sigurinë e Ballkanit dhe Evropës. Ne kemi mbështetur përpjekjet e Shqipërisë në rrugën e integrimit në BE dhe dhe dëshirojmë sinqerisht ta shohim atë si një anëtare të re të Unionit në përfundim të procesit”.
Në ceremoninë e dhurimit të automjeteve morën pjesë edhe Shefi i Shtabit të Përgjithshëm i FA gjeneral brigade Arben Kingji, atasheu ushtarak pranë ambasadës turke, Muhammed Kelami Kablay si dhe përfaqësues të tjerë të FA.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po mos sillni vetura o turq se na grite nga leket. Ka vajt nafta ku nuk thuhet. Sa sillni 40 makina me mire sillni nje autobuz qe te shkojne ushtaraket si njerez ne pune se te jete per kryeministrin LEGEN ka borxh ta leshoje me PPP edhe ushtrine, se vetem ajo ka ngel pa u dhene me koncesion.
Ftesa e Sërbisë në panairin e open ballkan ka eksituar otomanin Erdogan që na ka borxh 5000 miliard USD dëme lufte 500 vjeçare.
Me rrota k.... dhe me bq se kta dy komentusit vito dhe keshltari i shpellareve nuk kam ndegjuar dhe lexuar, ngelen duke hanger m..., per dit, po boll mo se do plasni o fare keqe.
AS ja vlen qe tu pergjigjesh se jane te droguar
Keq per 40 makina eshte shteti? Futeni ne borxhe pa menduar pasojat, komb ordiner, arixhinj pa dinjitet.
BULI Jane dhurate thone jo me borxh
Keto jane ndihma jane falas jane te reja. Duhet thene faleminderit o njerez
Radhes tjeter duam Dronat e Famshem ,t'ja rrasim ne vrymen pas gerrqireve
Ha ha makina ,per te rehatuar bythen e gjeneraleve dhe koloneleve tane qe i marin gradat duke ngrene fasule,po me ata dronet ca u be, se satelitet e liderit po na rine mbi koke