Te fundit
Vodafone Albania operatori më i mirë celular në Shqipëri sipas OpenSignal
26 Prill 2022, 11:14Sociale
TEMA
Standardi ndërkombëtar i analizimit të eksperiencës së konsumatorit me shërbimet mobile, OpenSignal, publikoi ditën e sotme raportin më të fundit për Shqipërinë duke vlerësuar performancën e tre operatorëve.
Raporti i publikuar nga OpenSignal krahason shërbimin e ofruar nga Vodafone Albania, One Telecommunications dhe ALBtelecom në 9 kategori të ndryshme si: Eksperienca Video, Eksperienca e Videolojërave, Eksperienca Zanore, Shpejtësia e Shkarkimit, Shpejtësia e Ngarkimit, Disponueshmëria e Shërbimit, Mbulimi 4G dhe Konsistenca në rezultatet e testimit.
Në matjet e bëra për periudhën 1 Janar 2022 – 31 Mars 2022, OpenSignal gjeti Vodafone Albania operatori me shpejtësinë më të lartë të shkarkimi prej 34.6 Mbps ndjekur nga One me 29.7 Mbps dhe ALBtelecom me 14.6 Mbps.
Vodafone fitoi përsëri edhe në eksperiencën video duke shënuar 57.3 pikë, ndjekur nga One me 52.3 pikë dhe ALBtelecom me 42.2 pikë. Një rezultat i mirë konsiderohet 55-65 pikë dhe Vodafone është i vetmi që hyn në këtë kategori ndërsa operatorët e tjerë hyjnë në kategorinë e një 40-55 që konsiderohet shërbim i pranueshëm.
Për eksperiencën në video lojëra One mori 73.2 pikë nga 100 pikë ndjekur nga Vodafone me 69 pikë dhe ALBtelecom me 47.1 pikë. Testimet bëhen me lojëra popullore si PUBG dhe Fortnite apo lojëra masive si Arena of Valor.
Abonentët e Vodafone marrin një shërbim më konsistent ku kompania fitoi në të dy kategoritë e testimit me një nivel qëndrueshmërie prej 77.7% ndjekur nga ALBtelecom me 68.1% dhe One me 68%.
One dhe Vodafone ndajnë së bashku kategoritë e disponueshmërisë së 4G, shpejtësisë së ngarkimit dhe eksperiencës zanore. Më specifikisht në eksperiencën zanore One ka 79.7 pikë ndjekur nga Vodafone me 78.9 pikë dhe ALBtelecom me 73.6 pikë.
One ka mbulimin më të mirë ku përdoruesit në 96.8% të kohës kanë mbulim por me një diferencë e papërfillshme me Vodafone prej 96.5% dhe ALBtelecom me 93.6%.
Në eksperiencën 4G Vodafone kishte 8 nga 10 pikë, One 7.7 pikë dhe ALBtelecom 4.9 pikë.
Raporti i OpenSignal citon edhe blerjet e fundit të One dhe ALBtelecom nga kompania Hungareze 4iG ndërsa pret që shkrirja e dy kompanive së bashku të përmirësojë cilësinë më tepër.
Vodafone fiton 8 nga 9 kategoritë ndërsa One 4 prej tyre. ALBtelecom nuk fitoi në asnjë kategori. Raportin e plotë e gjeni të publikuar në këtë lidhje. /PCWorld Albanian
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
I bere reklame,te dhane ndonje leke, bolle Por nuk ka hajdut me te poshter sa Vodafoni ,nje mi here me te ndershen xhepistet , hajdutet shtepive ,rufjanet ku ta di une, Vodafone eshte numeri nje ne bote ,kush bene kontrate me ta ska logjike dhe ndihmone krye hajdutin
Keta te Vodafonit jane vertete si e thote dhe zoteria me larte me te keqinj se dhe xhepiatat.Vajta te beja rishtyrjen e kontrates qe e kishte vleren psh 35 leke dhe me hyrjen ne fuqi te kontrates se re ishte bere 47. Vjedhje e hapur , ne mes te dites me diell. Jane bere shoqeria me e shpifur !