Te fundit
Fshati me 5 banorë në Shqipëri, flet i riu që pret nuse që ta popullojë sërish!
24 Prill 2022, 19:01Sociale
TEMA
Zbrazja e fshatrave është një fenomen trishtues në Shqipëri.
I tillë është edhe fshati Sirikat në Sarandë i cili ka vetëm 5 banorë.
Një ndër 5 banorët është dhe një 34-vjeçar i cili refuzon të largohet nga fshati.
“Pse të iki, kam dhe një punë këtu, nuk jam keq”-kanë qenë këto fjalët e një të riu që nuk ka braktisur fshatin Sirikat të Sarandës.
Vangjeli është i vetmi i ri që nuk është larguar nga vendi i tij. Përveç 34-vjeçarit në Sirikat jetojnë edhe 4 banorë të tjerë të cilët janë të moshuar.
34-vjeçari jeton me prindërit dhe nuk është martuar, ndërsa konsiderohet si “shpresa e vetme” që mund të popullojë Sirikatin.
Prej dekadash, problem për banorët është amortizimi i rrugës. Rruga e cila nga Saranda duhet të zgjaste rreth 15 minuta shkon 1 orë.
Ndërkohë, Urania nëna e Vangjelit që është 65 vjeçe ndjen nostalgji për kohën kur fshati ishte i populluar, ndërsa për të mos u ndjerë vetëm përpiqet të mbushë kohën me punët e shtëpisë.
“Me punët e shtëpisë, me bagëtitë, kopshtin. Jam vetë dhe vajzë e vetme jam. 2 shtëpi kanë ngel, ca ikën në Greqi disa të tjerë poshtë te varrezat, kanë vdekur, kisha prindërit edhe ata vdiqën”-është shprehur ajo.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Dem rrace. Po lopet nuk vine vet.
Shume mire. Ndjen kenaqsine e punes, uji ftohte, ajer i paster, bulmet plot, leke plot, hapsire pa kufi. Te prodhoj vet djathin e gjalpin, ta beje marken e vet. Ata qe ikin qyteteve rrine kafeneve, pune jo, leke jo, mes zhurmave dhe pluhrit.