Te fundit
Daku rikthehet në Rusi, trajneri zbulon se çfarë i tha: Të ndajë futbollin nga politika
8 Korrik 2024, 12:51Sport
TEMA
Mirlind Daku është rikthyer në Rusi, tek ekipi i tij, Rubin Kazan.
Kjo u bë e ditur nga trajneri i tij atje, Rashid Rakhimov, i cili tregoi se Daku nuk luajti në ndeshjen miqësore pasi sapo është rikthyer.
Rakhimov tha se bashkëlojtarët e kanë takuar dhe folur me të, teksa zbuloi se i ka thënë Dakut që të ndajë futbollin nga politika.
“Daku sapo është kthyer. Ai është mirë. Djemtë e kanë takuar, kanë folur. E kuptojmë që situata të tilla ndodhin, me Demiralin e Turqisë për shembull. Për fat të keq futbolli është i përzier me politikën tani. Mendoj se punë e lojtarëve është të ndajnë futbollin nga politika. Dhe ia kam thënë Dakut këtë, që duhet të fokusohet në këtë”, tha Rakhimov.
Mirlind Daku u dënua me dy ndeshje moslojë nga UEFA, pasi që pas ndeshjes me Kroacinë, mori megafonin duke sharë serbët dhe maqedonët.
Pas përfundimit të aventurës së kuqezinjve në Euro 2024, Daku kaloi disa ditë pushime në bregdetin shqiptar, për t’u kthyer në Rusi te ekipi i tij, Rubin Kazan.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Daku kujdes mor kaqol mos bej patriotin nese nuk je Rusia do ta bej kafen si Navalnit te opozites
Daku, qëndro larg dritareve, o xhan, në Rusi njeriun se ç'e kap një dëshirë e madhe për të fluturuar nga dritarja!! Ndaj, do bëje mirë një orë e më parë të largoheshe nga ai vënd. Lëre arsyen e mos shkeljes së kontratës, nuk ka gjykatë që nuk t'a jep të drejtën pse shkele kontratën me klubin kur bëhet fjalë për Rusinë. Do gjesh punë, hiç mos u trëmb nga papunësia e përkohëshme. Dhe lëre politikën, nuk është punë për ty ajo.