Te fundit
Dinamo “shkatërron” Tiranën në derbi, ndalet Egnatia
2 Mars 2025, 19:09Sport
TEMA
Mbrëmjen e kësaj të Diele, u luajtën dy ndeshjet e fundit për javën e 27-të në Superligë.
Dinamo fitoi derbin e kryeqytetit, pasi mposhti Tiranën me rezultatin e thellë 4-1.
Një përballje me dy tablo, ku pjesa e parë ishte e barabartë, ndërsa e dyta foli vetëm për dinamovitët.
Jarmouni i dha avantazhin Tiranës në minutën e 11-të me penallti, por në aksionin e radhës skuadra e Dajës barazoi falë autogolit të Metës.
Në fraksionin e dytë, Dinamo u shfaq e papërmbajtshme dhe shënoi tre herë, me Bregun, Lorran dhe Itodo Mandela.
Me këtë fitore, Dinamo mban vendin e dytë me 47 pikë, 2 më pak se Egnatia kryesuese, ndërsa Tirana renditet në vendin e parafundit me 26 pikë, po aq sa Skënderbeu i vendit të fundit.
Në sfidën tjetër, Egnatia nuk shkoi më shumë se barazimi 1-1 në shtëpi ndaj Teutës. Rrogozhinasit kaluan në avantazh në minutën e 24-t, por vetëm 4 minuta më vonë, durrsakët barazuan shifrat me një superego të Arsid Krujës.
Me këtë barazim, Teuta mban vendin e tetë me 28 pikë dhe vazhdon luftën për mbijetesë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Legjenda mbetet legjende