Te fundit
Forma e dobët te Tirana, Refik Halili nuk paguan prej disa muaj lojtarët
6 Nëntor 2024, 11:25Sport
TEMA
Në mungesë të rezultateve në fushë në një skuadër futbolli kërkohet gjithnjë ndryshimi dhe zakonisht ndodh që të ndryshohet pankina. Me vendin e shtatë në renditje me 11 pikë, po aq sa Laçi i vendit të parafundit, klubi i Tiranës vendosi të shkarkojë trajnerin Bledi Shkëmbi.
Tekniku e mori ekipi që para nisjes së zezonit dhe pati vështirësi në 12 javë duke marrë vetëm një fitore, tetë barazime dhe tri humbje.
Në fakt ka qenë detyrë e vështirë për Shkëmbin, që kishte të bënte me një skuadër të re, lojtarë që nuk kishin luajtur me herët me njëri-tjetrin dhe që shpresohej që gjatë rrjedhës së kampionatit të formonin një ekip.
Edhe mungesa e luajtjes së ndeshjeve në kryeqytet, pranë tifozerisë ka ndikuar së tepërmi. Fusha e “Selman Stërmasi” është në kushte të papërshtatshme për të zhvilluar ndeshje futbolli.
Tjetër faktor që duket se ka ndikuar në rezultatet e ekipit është edhe mungesa e përqendrimit të lojtarëve, si pasojë e situatës jo të mirë financiare të klubit. Burime pranë futbollistëve pohojnë se klubi ka ndaj tyre rreth 3 ose 4 muaj paga të prapambetura. Në këto kushte, pasiguria financiare është reflektuar në fushën e lojës.
Kjo e bën edhe më të vështirë situatën për stafin pasardhës që do i duhet të përballen me faktorin psikologjik, kushtet financiare dhe mungesën e një stadiumi, për të luajtur ndeshjet që duhet të luheshin në “Selman Stërmasi”.
Më të lexuarat
24 oret e fundit
Javen e fundit
Blog Tema
Lini një Përgjigje