Çerekfinalja e “Botërorit” mes Norvegjisë dhe Anglisë përfshin edhe një nga përballjet individuale më të pritura të turneut, atë mes dy prej sulmuesve më të fortë të botës Erling Haaland dhe Harry Kane.

Pas atyre në të shkuarën në Premier League, “bomberat” sfidohen për herë të parë kokë më kokë në skenën më të madhe të futbollit.

Të dy vijnë në një formë të shkëlqyer dhe po udhëheqin ekipet e tyre, ndërsa janë duke garuar për “Këpucën e Artë”.

Ajo që po arrin Erling Haaland kufizohet me të jashtëzakonshmen. Sulmuesi i Manchester City pati një sezon fantastic me 38 gola në 52 paraqitje dhe e ka mbajtur ritmin në Kupën e Botës. Ai ka shënuar shtatë gola në katër ndeshje.

Shifrat e tij me Norvegjinë janë edhe më të habitshme. Vetëm 26 vjeç, ai është tashmë golashënuesi më i mirë i të gjitha kohërave, madje ka më shumë gola se ndeshje, 62 të tillë në 54 paraqitje, duke e bërë atë sulmuesin më efikas në historinë e futbollit.

Në këtë Botëror, Haland ka vendosur edhe rekorde të tjera. Ai kaloi Gerd Muller si lojtari që arrin më shpejt kuotën e 60 golave me kombëtaren, u bë lojtari I parë që shënon në 14 ndeshje radhazi me përfaqësuesen. Nëse ai shënon kundër Anglisë, ai do të bëhet lojtari i parë evropian në histori që shënon në secilën prej pesë ndeshjeve të tij të para në Kupën e Botës. Kombinimi i tij i forcës, shpejtësisë, lëvizjes inteligjente dhe përfundimit të pamëshirshëm e bën atë padyshim sulmuesin më dominues në zonë në futbollin botëror sot.

Nëse dikush është i aftë ta sfidojë Haaland edhe në këto karakteristika, ai është Harry Kane. Kapiteni i Anglisë po shijon periudhën më të mirë të karrierës së tij. Pas një sezoni të jashtëzakonshëm me Bayern Munich, ku shënoi 61 gola në të gjitha garat, ai mbërriti në Kupën e Botës i vendosur për të kapur trofeun e vetëm të madh që ende mungonte në CV-në e tij të jashtëzakonshme. Në Kupën e Botës FIFA 2026, ai tashmë ka shënuar gjashtë gola, vetëm një më pak se Haaland, duke mbajtur përsëri Tre Luanët mbi supet e tij.

Me 85 gola në 119 paraqitje ndërkombëtare, ai është gjithashtu golashënuesi më i mirë i të gjitha kohërave i Anglisë, duke tejkaluar legjenda të tilla si Ëayne Rooney, Bobby Charlton dhe Gary Lineker. Aftësia e tij në përfundimin e golave, loja e tij e qëndrueshme, vizioni dhe pasimet e bëjnë atë një nga qendërsulmuesit më të kompletuar të gjeneratës së tij.

Një gjë është e sigurt: kur Norvegjia dhe Anglia të takohen, futbolli botëror do të humbasë një nga sulmuesit e tij më të fortë. Fituesi jo vetëm që do të afrohet një hap më shumë drejt Kupës së Botës, por gjithashtu do të mbetet në garën për “Këpucën e Artë”, një nga çmimet individuale më prestigjioze të futbollit.

31 vite nga Masakra e Srebrenicës, tetë mijë burra e djem myslimanë u vranë barbarisht

“Flamingot” vs antropologjisë, jo politikës

Apeli i Posaçëm konfirmon konfiskimin e 22 pasurive të Gramoz Totos, kalojnë në favor të shtetit

Kur do vish në Amerikë? Qytetari “vë në vështirësi” Berishën: Kismet nga…

Pas ankesave të qytetarëve dhe shqetësimeve të deputetëve, Autoriteti i Konkurrencës nis monitorimin e çmimeve të shportës