Konflikti i interesit: Nga imazhet e vjedhura te modeli i specialistëve vendas, studioja e zv.presidentit të FSHF-së bëri planin e “Kukës Arena”

Projekti për stadiumin e Kukësit ka ndryshuar disa herë, madje paraqitja fillestare rezultoi edhe plagjiaturë, pasi pamjet e modelit të stadiumit të servirura në fillim rezultuan se ishim marrë nga interneti dhe bëhej fjalë për një impiant në Gjermani.

Maketi fillestar i paraqitur nga klubi në faqen zyrtare në tetor 2017 rezultoi një “copy paste” i stadiumit që po ndërtonte asokohe klubi i Ligës së Tretë gjermane, VFB Oldenburg.

Më pas projekti ndryshoi dhe autorësinë e morën specialistë vendas. Stadiumi “Kukës Arena” është një projekt i bërë nga arkitekti Ardian Mehqemeja dhe studioja arkitekturore AVE – CONSULTING.

Bëhet fjalë për një stadium sipas standardeve të UEFA-s, ku do të mund të realizohen ndeshje të Kupave të Europës.

Por natyrshëm lind pyetja se kush është studioja arkitekturore AVE – CONSULTING, që bëri projektin e stadiumit të Kukësit?

Nga një kërkim i thjeshtë në internet del se administrator i kësaj studioje është Arben Dervishaj, i cili në periudhën kur është miratuar projekti ka qenë anëtar i Komitetit Ekzekutiv në FSHF dhe njëkohësisht edhe kryetar i infrastrukturës në federatë.

Pas asamblesë së fundit, Dervishaj është zgjedhur sërish anëtar i KE-së, por edhe zv.president i FSHF-së.

Jo vetëm si përgjegjës për infrastrukturën në FSHF, por edhe si ekspert i fushës në inxhinierinë e ndërtimit, Arben Dervishaj i ka ndjekur hap pas hapi punimet e stadiumit të ri, ku në disa raste ka dhënë edhe idetë e tij, që mund të kenë ndikuar edhe në ndryshimet që ka pësuar zbatimi i projektit gjatë rrugës, ku pjesë e saj ishte edhe ideja për ndërtimin e tribunës së katërt, në mënyrë që stadiumi i ri të ishte në të katër anët me tribuna.

Të shpeshta kanë qenë vizita e zv.presidentit të FSHF-së Arben Dervishaj në Kukës, gjë të cilën ai e ka pasqyruar edhe me postime në rrjetet sociale, apo me prononcime për mediat si nga terreni, por edhe studiot televizive. (Panorama Sport)

Zyrtare/ Klopp rinovon me Liverpool: Unë jam i dashuruar këtu dhe ndihem mirë!

20:13 Sport

Milani ka në dorë titullin, Marotta: Kemi humbur betejën, por jo luftën

19:12 Sport

“Është i papërmbajtshëm, vendosni lehtë bast për të”! Ndihmësi i Rejës u del në garant në Itali për Brojën: Ka të ardhme të madhe

18:10 Sport

“Gazzetta” e konsideron “Bobo Vierin e ri”; Armando Broja drejt gjigantëve të Serie A

16:22 Sport 3 komente

Tirana bëhet gati për festë, të premten 1 pikë kundër Laçit e shpall kampione! Derbi me Dinamon, te Partizani 'qajnë' gabimet

15:55 Sport

Tre ndeshje në tetë ditë: Ngjeshet kampionati, deri në derbin Partizani-Tirana

15:14 Sport

REAGIMI/ Mino Raiola: I indinjuar nga ata që spekulojnë kështu

15:00 Sport

“Ka një mënyrë të fitojmë kampionatin”, rrëfimi i Agnellit: Nga Dybala, Del Piero dhe Allegri

14:48 Sport

Spitali italian përgënjeshtron lajmet: Mino Raiola nuk ka vdekur, është në gjendje të rëndë

14:37 Sport 1 koment

Huazimet më të suksesshme në Angli, formacioni udhëhiqet nga Broja

11:57 Sport