Te fundit
U la jashtë Euro 2024, reagon Sokol Cikalleshi: Fundi i një rrugëtimi, por jo gjithmonë e zgjedhim vetë mënyrën
28 Maj 2024, 14:50Sport
TEMA
Sokol Cikalleshi ka reaguar në lidhje me listën e lojtarëve që trajneri Sylvinho ka përzgjedhur për të marrër me vete në Euro 2024. Cikalleshi nuk ishte pjesë e asaj liste, duke u cilësuar edhe surprizë.
Pikërisht për këtë, ka reaguar vetë sulmuesi kavajas i cili aktivizohet me Konyaspor në Superligën turke. 33-vjeçari e nis me “Fundi i një rrugëtimi”, duke e bërë të qartë që aventurës së tij me fanellën e kombëtares i ka ardhur fundi.
“Fundi i një rrugëtimi!
Rrugëtimet jane të bukura, me uljet e ngritjet e veta. Gjatë rrugëtimeve nëse gjërat i ke bërë siç duhet, fundi është i lumtur, paçka se, jo gjithmonë e zgjedhim vetë mënyrën.
Ka qenë një krenari dhe emocion i papërshkueshëm përfaqësimi i fanellës së ekipit kombëtar të futbollit. Bartja e emocioneve të një kombi mbi shpinë, është sa privilegj, aq edhe një përgjegjësi, cila më ka bërë të përunjur dhe mirënjohës ndaj çdokujt që besoi, ndaj çdokujt që më dha kurajo për të vazhduar, e padyshim, në mënyrë të veçantë ndaj çdokujt që brohoriti për mua.
Ashtu siç, çdo fillim e ka një fund, edhe rrugëtimit tim me ekipin kombëtar të futbollit i erdhi fundi!
Ndihem i lumtur për çka bëra gjatë këtij rrugëtimi, ku dhashë pakursimin më të vogel pikën e fundit të djersës dhe shpirtin për të bërë më të mirën e mundshme.
Falenderoj Zotin për gjithëçka më ka dhënë në jetë, familjen për mbështetjen, tifozet Kuq e Zi që meritojne shumë më shumë sesa ne kemi dhënë në fushën e blertë.
Lutem Zotit që shokët që do vijojnë rrugëtimin në Euro2024 të kenë sukses dhe të bëjnë një paraqitje dinjitoze.”, shkruan Sokol Cikalleshi në profilin e tij në Instagram.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Rrespekte Cikalleshi na ke emocionuar pa mas me lojrat e tua gjithmon dhe do mbetesh i pa harruar per tifozerin kuq e zi , per çfar ke ber per perfaqsusen ton : por xhdo fillim e ka nje fund siçe the dhe vet , me kte mesazh na tregove te terve ne qe je jo vetem lojtar i mir por dhe nje djal i mrekullushem , te urojm nje jet te bukur me familjen tende dhe nje falenderim te madh per çfar ke dhen ne ekipin komtar, Rrespekte Sokol Cikalleshi gjigandi skuadres ton komtare.
Bravo Sokol! Eshte shume dinjitoze ,civilizuese , emocionuse dhe i mencur ky reagim. Do te mbetesh gjithmon nje futbollist dinjitoz,qytetar,i paharruar dhe i respektuar nga ne sportdashesit. Do te ishe shume i mirepritur qe nje dite te aferme te te shikojme si tranjer klubesh ne Shqiperi dhe pse jo edhe i perfaqesueses shqiptare. Respekte.
????????????????????????????????????????????
Persh! "DASMORET" E DITES SE PARE DUHET TE VAZHDONIN FESTEN.LARGIMI ISHTE I PAJUSTIFIKUAR OBJEKTIVISHT.KA KOHE PER RIKTHIMIN E TYRE.PER ME TE RINJTE KA KOHE... MEGJITHATE, KOMBETARES I UROJ SUKSES!!!
Cikalleshi...ti nuk qenke vetëm futbollist i madh por edhe qytetar i mrekullueshëm shqiptar! FALEMNDERIT për të dyja!
Djalosh, jeta të jep edhe caste reflektimi. Do jesh pjesë e suksesit dhe e gëzimit kombëtar.