Te fundit
Rënia e euros po i dëmton, operatorët turistikë kërkojnë shtyrjen me 2 javë të sezonit turistik
10 Korrik 2023, 21:40Turizëm
TEMA
Fillimi i sezonit turistik me vonesë për shkak të situatës së vrullshme të shirave në muajt prill, maj i ka nxitur operatorët turistik të kërkojnë zgjatjen e sezonit veror 2023 deri në fund të shtatorit. Ekspertja e turizmit, Flora Xhemani thotë se hotelet e kanë hedhur këtë ide për të mbuluar humbjet e vitit.
“Hotelet kanë hedhur idenë e shtyrjes së sezonit. Mesa di deri më tani shkolla do të fillojë në 12 shtator dhe rifillimi i shkollës pret si me thikë përsa i përket turistëve shqiptarë.
Dhe kjo është një humbje shumë e madhe për bregdetin sidomos për jugun, Dhërmiu, Ksamili etj. Dhe është hedhur ideja që të shtyhet sezoni me një javë apo dy javë që të konsumohej i gjithë shtatori”, tha ekspertja e turizmit, Flora Xhemani, për A2.
Të ndodhur tashmë me humbje për shkak të rënies së euro por dhe nga kontratat “all inclusive” të kryer një vit më parë i ka bërë këto shërbime turistike të regjistrojnë 20-30% fitime më pak këtë sezon veror.
Sipas ekspertes Xhemani kjo humbje po rikuperohet me çmimet e larta të vendosura:
“Kudo në botë në pikun e sezonit çmimit janë më të larta se sezonet e tjera. E dyta rënia drastike e euros që ka shkuar pothuajse e barabartë me lekun ka bërë që të gjitha çmimet të rriten, të ofrohen kryesisht në lekë dhe të kompensohet humbja e mundshme.
Të mos harrojmë që kontratat e turizmit all inclusive bëhen një vit më parë dhe u bë që në 2020 që këto kontrata janë me 20-30% ulje. Dhe hotelet punojnë dy muaj dhe diku duhet ti kompensojnë këto humbje.”
Sezoni turistik pritet të kulmoj në muajt korrik dhe gusht. Në 5 muajt e parë të vitit vendin tonë e kanë vizituar rreth 2.3 milionë të huaj.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
nuk e kuptova zgjidhjen qe afron kjo zonja.... kerkon te shtyhet fillimi i shkolles qe te fitojne hotelet? shpresoj ta kem kultuar gabim ose ndryshe juve ne shqiperi iu paskan zjere trute nga vapa....
Na kanë ça trapin operatoret turistikë,një here nuk ka turist një here ngrenë çmimet një here ra euro.Te ju ta kemi mendjen barkderra të fëlliqur
Është forcuar shumë ekonomia shqiptare, prandaj shvleftesohet euro, ka thënë guvernatori pupac i BSH.
Ofroni sherbimet ne Lek Shqiptar, ja u QR.