Te fundit
SONDAZHI: PS merr 75 mandate më 11 maj, rënie drastike për PD dhe aleatët
6 Maj 2025, 09:33Politika
TEMA
Report Tv në bashkëpunim me institutin Piepoli sjellin sondazhin e fundit për zgjedhjet parlamentare të 11 majit, dhe projeksionet se si do të ndahen mandatet në rang kombëtar.
Shqiptarët do t’i besonin Edi Ramës një mandat të katërt qeverisës. Nga 74 mandate të siguruara në 2021, sipas projeksionit të Piepolit, PS do merrte në këto zgjedhje 75 mandate në rang kombëtar, përkthyer në vota 48.4%.
Ndërkohë, Koalicioni PD-ASHM shënon një rënie drastike, duke humbur 9 mandate në rang kombëtar. Koalicioni i Berishës merr 54 mandate nga 63 mandate në 2021. Në vota, koalicioni i udhëhequr nga Berisha merr 35.4% të votave, nga 46.3% të votave në 2021, një rënie 10.9%.
Për herë të parë, dy parti të reja arrijnë të futen në Kuvend. Adriatik Lapaj me Nisma Shqipëria Bëhet konfirmohet forcë e tretë politike dhe merr 7 mandate në rang kombëtar, me 7.6% të votave. Lapaj, ndiqet nga Partia Mundësia me 4.8% të votave, i cili merr 3 mandate në gjithë vendin. Duke u bërë të vetmet parti të reja që arrijnë të kalojnë pragun kombëtar.
PSD e Tom Doshit mbetet me 1 mandat me 2% të votave, nga 3 mandate që kishte siguruar në 2021. Doshi humb një mandat në Tiranë dhe 1 mandat në Shkodër dhe tashmë mbetet vetëm me një deputet në Kuvend që sipas projeksionit e fiton në qarkun e Shkodrës.
Në rang kombëtar, 1.4% e shqiptarëve më 11 maj do votonin partinë ‘Lëvizja Bashkë’ të Arlind Qorit dhe nga 0.1% do votonin partinë ‘Koalicioni Euroatlantik’ të Lulzim Bashës dhe koalicionin ‘Djathtas për Zhvillim’ të Enkelejd Alibeajt./ Shqiptarja.com
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mendoni ku dhe sondazhi i Bollinos qe ja merr rames tere diten ne goje, nuk guxon ta coje me lart se 75 deputete. Mendoni sesi eshte realiteti. Erdhi ngordhja!!
.....leni mo sondazhet, Tema arriti deri atje sa te perdorte shembull sondazhet e fitores se Trumpit, e beson ti.... = rrofte Aleanca Rama - BERISHA!
Sa gjynah ju komentuesit e më sipërm, PS nuk i duhen më shumë 75 mandate, rrini rehat. Rëndësi ka që është fituese dhe ju nuk do hani njeri të gjallë po ashtu… do hani gjithësesi. Votoni me tru o milet për inat të këtyre plehrave më sipër.