Te fundit
PDK pranon Pacollin për president
14 Shkurt 2011, 18:32Rajoni
TEMA
PDK-ja ka marrë vendim që AKR-ja të marrë postin e presidentit, ndërsa PDK-ja të mbajë atë të kryeministrit dhe të kryetarit të Kuvendit. Vendimi u mor në mbledhjen e Këshillit Drejtues, pas tri orë debatesh. PDK fton edhe Listën Ibrahim Rugova dhe minoritetet në koalicionin qeverisës.
Pas një mbledhjeje tri orëshe, Këshilli Drejtues i Partisë Demokratike të Kosovës ka vendosur që të hyjë në koalicion me Aleancën për Kosovë të Re, duke i lënë kësaj partie, postin e presidentit, për të cilin i nominuar nga partia është Behxhet Pacolli.
PDK-ja ka lëshuar pe ndaj këmbëngulësisë së AKR-së, e cila kushtëzoi hyrjen në koalicion me postin e presidentit, edhe pse brenda PDK-së, kërkohej që presidenti në detyrë, Jakup Krasniqi, ta mbante këtë post.
Nënkryetari i PDK-së, Hajredin Kuçi, ka thënë se vendimi është marrë me konsensus, edhe pse, sipas, tij, ka pasur debat dhe mendime të ndryshme.
“Është vendim i Këshillit Drejtues të PDK-së, që të hyhet në koalicion me AKR-në, me Listën Ibrahim Rugova dhe me partitë tjera të komuniteteve. Ky vendim tani mbetet që të implementohet nga Kryesia e PDK-së. Ka pasur biseda dhe mendime, por PDK-ja është pajtuar me konsensus për qëndrimin që e thashë unë”, ka deklaruar nënkryetari i PDK-së, Hajredin Kuçi.
Kuçi ka thënë se ende nuk është vendosur për ndarjen e ministrive, ndërkohë që postin e kryeministrit dhe kryetarit të Kuvendit do ta mbajë partia fituese e zgjedhjeve, PDK-ja.
“Partia Demokratike e Kosovës ka vendosur që të hyjë në koalicion me AKR-në. Ka vendosur që pozitat kryesore të ndahen, natyrisht edhe pozita e presidentit t’i takojë AKR-së, ndërsa për vendime tjera, për ministri do të negociohen në mes të Kryesisë së PDK-së, apo grupit që e kemi pasur, dhe Kryesisë së AKR-së. Është vendim i Këshillit Drejtues të PDK-së, që të ndërtohen institucionet e Republikës së Kosovës, sa më shpejt që është e mundur”, ka theksuar Kuçi.
Nënkryetari Kuçi ka arsyetuar vendimin e PDK-së, që ta pranojë Pacollin si president:
“Ka mendime individuale, por PDK-ja merr vendime në të mirë të institucioneve, në të mirë të vendit dhe nuk hyjmë në vlerësime të personaliteteve. Natyrisht, kemi mendime individuale për secilin individ në Kosovë, por në fund të fundit, partia sillet si parti me përgjegjësi”.
Megjithatë, ai nuk ka pranuar që Pacolli të krahasohet me Jakup Krasniqin, për të cilin kishte zëra që të zgjidhej president me mandat të plotë.
“Unë mendoj se Krasniqin, nuk e ka kërkuar një grup, por e ka kërkuar tërë PDK-ja. Nuk ka dilemë në këtë drejtim dhe nuk është mirë ta vëni në baraspeshë personalitetin e zotit Krasniqi me asnjë personalitet tjetër në Kosovë. Në anën tjetër, kjo është pjesë e negociatave. Negociatat nuk janë të lehta. Ne kemi negociuar disa herë me AKR-në. Ne kemi takuar disa herë Kryesinë e partisë, Grupin Parlamentar, Këshillin Drejtues dhe kemi ardhur në këtë vendim”, është shprehur Kuçi.
Pas pozicionimit të LDK-së, Vetëvendosjes dhe AAK-së për opozitë, PDK-së, si fituese e zgjedhjeve, e vetmja parti parlamentare shqiptare që i mbeti në dispozicion për bisedime rreth koalicionit qeverisës, ishte AKR-ja. Lista Ibrahim Rugova, për të cilën Kuçi ka thënë se do të ftohet në koalicion, ka vetëm një deputet të zgjedhur – Ukë Rugovën.
Ndërkohë, vendimi i PDK-së është mirëpritur në Aleancën Kosova e Re.
Nënkryetarja, Mimoza Kusari-Lila, i ka thënë Radios Evropa e Lirë se tash pritet të konkretizohet edhe ndarja e dikastereve qeveritarë.
“Kjo është një lëvizje prej pozicioneve të deritashme të PDK-së. Është një hap pozitiv drejt arritjes së një koalicioni qeverisës. Ju e dini që tanimë, duhet të detajohen edhe disa çështje tjera, sa i përket dikastereve qeveritarë, sa i përket posteve, bartësve të funksioneve ekzekutive. Të gjitha këto do të jenë subjekt i një dialogu të mëtejmë me PDK-në, por të paktën për pozicionin e propozimit për presidenti të Republikës së Kosovës nga ajo që deri më tani kjo parti ka deklaruar”, ka thënë Kusari-Lila.
Nuk dihet se kur do të formalizohet marrëveshja me AKR-në dhe as se si do t’u ndahen resorët partnerëve tjerë të koalicionit. Mbledhja konstituive e Kuvendit mbahet javën e ardhshme më 24 shkurt.
8 komente në “PDK pranon Pacollin për president”
Comments are closed.
Lini një Përgjigje
Më të lexuarat
24 oret e fundit
Javen e fundit
Blog Tema
NE RASTE SE KY SPIUNE DO VIHET PRESIDENT ASHIM THACI PASKA MBARUAR FARE KY ESHTE VEGEL E RUSVE SERBVE KY NUK NUK ESHTE ASNJEHERE SHQIPTARE KU JANE KOSOVOT QE NA SHTIREN SI PATRIOT PASKA PASUR TE DREJTE SERBI QE KOSOVOT NUK JANE TE AFTE TE QEVERISIN TURPPPPPPPPPPPPPP
Turp per z. Thaci! A vihet nje njeri qe pjesen me te madhe te parave e ka marre nga Rusia per gjoja rikonstruksionin e pallatit mbreteror ne Shen Peretburg. Linja antishqiptare po futet si pyke, e po i ben karshillek edhe USA qe i dha pavaresine Kosoves.
Pacolli ka sjelle deri tani 20 njohje duke perdorur parate e veta dhe pa qene pjese e qeverise se Kosoves. Nuk do ta etikoja si Rus apo Serb sic bejne kosovaret me ne qe protestojme regjimin e Berishes. Te shohim, se si biznesmen e ka treguar veten te afte, mbase arrin te sjelle shume me teper njohje si president.
Nje njeri qe e heq veten patriot, nuk kerkon te behet president i dy milione e gjysme shqiptareve ne kosove, kur fitoi vetem 7% te votave. Albino bisnesi e paraja nuk kane atdhe, thone financieret e Wall Street
Kjo jashteqitje kombetare President i Kosoves. M…. jane te gjithe ata qe e perkrahin — me vote ose me zemer!
Ore po te pakten Pacolli nuk do vjedhi se ska nevoje. Kam besim se do ta bej Kosoven si Zvicra.
Kosova tani ka nevoje per nje njeri si Pacolli qe te stabilizoji ekonomine.
Ne arenen nderkombtare do te kete me shume influence sesa ndonje politikan tjeter.
kush te ka thene ty qe nuk vjedh me sic duket nuk e din proverbin oreksi vjen duke ngren duhet te jesh realiste pacolli eshte nje palo burre pa moral vjedhes spiune cfare ka njeriu te kqia tek pacolli jane
Kujtoja se keto benin vaki vetem ne Shqiperi,por njesoj qenka kur perpiqen te bejne shtet shqiptaret, ose vene ne krye kelyshet e diktatoreve,ose spiunet ose agjentet.