FOL: Presidenti Pacolli të bëjë publike pasurinë e tij

Lëvizja FOL ka mbajtur të premten konferencën për media, me ç’rast ka bërë publike kërkesën për presidentin Behgjet Pacolli që të kërkojë nga Agjencia Kundër Korrupsion të bëjë publike pasurinë e tij.

”Vitin e kaluar z. Behgjet Pacolli kishte kërkuar nga Agjencia Kundër Korrupsion (AKK) që të mos e bëj publike pasurinë e tij. Një veprim i tillë nga vetë AKK-ja dhe z. Pacolli përbën shkelje të ligjit për prejardhjen, kontrollin dhe deklarimin e pasurisë së zyrtarëve të lartë publik, i cili nuk e parasheh mos publikimin e pasurisë mbi bazë të kërkesës së një zyrtari. Një veprim i tillë i z. Pacolli ngreh pikëpyetje në përkushtimin e tij për ta luftuar

korrupsionin dhe krimin e organizuar – që janë problemet kryesore të vendit”, thekson kjo lëvizje.

Lëvizja FOL kërkon nga Presidenti Pacolli që të kërkojë nga Agjencia Kundër Korrupsion të bëjë publike pasurinë e tij.

Ramadan Ilazi, drejtor ekzekutiv i Lëvizjes FOL tha, se në përputhje me nenin 15, pika 1 e Ligjit për Parandalimin e Konfliktit të Interesit, FOL kërkon nga presidenti i vendit të zgjidhë vetë, sa më parë dhe në mënyrën sa më efektive të mundshme, çdo situatë të konfliktit të tij të interesit.

Ndërkaq nga AKK-ja ka kërkuar që në përputhje me nenin 14 të verifikojë pasurinë e kryetarit Pacolli në përputhje me ligjin për parandalimin e konfliktit të interesit si dhe Ligjin për Presidentin.

“Legjislacioni aktual nuk u lejon zyrtarëve publikë të menaxhojnë aksione më shumë se 20% të vlerës në një kompani, si dhe të bartin këto aksione tek persona të afërt me z. Pacolli sipas nenit 6 të Ligjit për Parandalimin e Konfliktit të Interesit”, tha Ilazi.

“Në rastin e presidentit të vendit, z. Pacolli, konsiderojmë se është jo-etike që ai të ketë interesa ekonomike përderisa ushtron funksionin më të lartë në vend. Prandaj, është ne interesin publik që z. Pacolli të sqarojë raportin që ka me bizneset e tij brenda dhe jashtë Kosovës. Kjo do t’i ndihmojë në funksionimin e këtij institucioni, si dhe do të krijojë një standard të mirë për zyrtarët e lartë publik”, ka thënë Ilazi. /Zëri/

Nëse shkon Pacolli, bie Qeveria

11:10 Rajoni

Ngrihen pesë akuza mbi Arid Ukën

09:32 Rajoni

Kushtetuesja mund ta kthejë Pacollin në rivotim

21:15 Rajoni

Miratohet buxheti për mars, sigurohen rrogat

13:19 Rajoni

Arid Uka, atentatori i Frankfurtit, në Facebook me emrin e luftës Abu Reyann

11:55 Rajoni

Protestë kundër zgjedhjes së Pacollit president

11:18 Rajoni

Mustafa: 100 ditë afat qeverisë Thaçi

09:56 Rajoni

Cili është profili i vrasësit i dy pilotëve amerikanë

09:45 Rajoni

Kosova zyrtarisht “e falimentuar”

11:11 Rajoni

Reporterët pa Kufij: Dënohet sulmi i ambasadorit Dell ndaj mediave

10:26 Rajoni