Te fundit
Thaçi & Co. me Yje në “Walk of Shame”!
17 Qershor 2011, 16:39Rajoni
TEMA
Aktivistët e lëvizjes Vetëvendosje realizuan aksionin simbolik “Pasarela e Turpit”, siç thanë ata me fotografitë e yjeve të hajnisë së pronës publike, të mirëqenies së qytetarëve dhe të së ardhmes së Kosovës. Këta “yje”, sipas Vetëvendosjes janë kryeministri Hashim Thaçi, si dhe anëtarët e kabinetit qeveritar Besim Beqaj, Edita Tahiri, Bredri Hamza, Hajredin Kuçi, Bajram Rexhepi.
Aktivistja Puhie Demaku gjatë këtij aksioni tha “Bulevardi Hollywood është i mbushur përplot yje që shënjojnë emrat e më të arriturve në skenën e filmit. “Walk of Fame” apo “Pasarela e Famës” është mishërim i të arriturave.
Të frymëzuar nga Walk of Fame, Lëvizja Vetëvendpsje sot ka shndërruar bulevardin më të famshëm në Kosovë, në Walk of Shame – Pasarela e Turpit, meqë udhëheqësit e kësaj Qeverie janë mishërim i turpit të këtij vendi, të këtij populli dhe kësaj shoqërie. Ata po e plaçkitin shtetin dhe popullin duke u thirrur në emër të kombit e në emër të sovranitetit, pikërisht, duke përbuzur popullin dhe duke përmbysur edhe atë pak sovranitet që e gëzojmë”, transmeton Telegrafi.
“Kosovës po i vidhet territori përmes dialogut me Serbinë. Kosovës po i vidhet buxheti përmes korrupsionit. Kosovës po i vidhen asestet përmes privatizimit”, vlerësoi Demaku.
Ajo më tej theksoi se në vend të njohjeve ndërkombëtare, Kosovës po i shtohet numri i njollave ndërkombëtare, ndërsa Kosova vazhdon të jetë vendi më i izoluar në Evropë, me shkallën më të lartë të papunësisë, me shkallën më të lartë të varfërisë dhe me shkallën më të lartë të korrupsionit./zëri/
5 komente në “Thaçi & Co. me Yje në “Walk of Shame”!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ndersa, Shqiperise u tentua ti vidhej Deti permes djalogut me Greqine, po i vidhet buxheti përmes korrupsionit. po i vidhen asestet përmes privatizimit.
Ou, po nuk ndryshokemi shume.
Edhe disa nga vetvendosja duhet ta ken nga nje yll,ata jane Florin Krasniqi,Rexhep Selimi,Shpend Ahmeti etj nga LDK Isa Mustafa,Lutfi Haziri,Ismet Beqiri,Sabri Hamiti me familje,nga AAK Ramush e Daut Haradinaj ,Et’hem Ceku,Adrian Gjini,Haki Shatri,Melihate Termkolli funkcionare e lkj,ldk dhe tani e aak neser ku me dite ne cilen parti e dergon udba.
Bravo i qofte rinise kosovare qe ja perplas hapuri qeveritareve te korruptuar.
Dhe ti Bardh, mos u be sherbyes i qeverise! Te tere e dine se si qeveritaret tone ashtu edhe ata te kosoves jane zhytuar ne korrupsion te thelle e po varferojne kombin.
Sa bulevard i gjate do duhet per politikanet tane ne Shqiperi,qe ti vendosim emrat edhe ketyre hajduteve tane,nuk do kete vend,duhet me i vene ne autostrade.
Duhet te bejme nje banjo publike me formen e parlamentit te ri,dhe perballe wc te veme fotografite e deputeteve tane!