Prokuroria: Akuzat e ILDKP-së, të pabaza, na kanë kërkuar vetëm hetimin e disa kryetarëve komunash

Prokuroria e Përgjithshme ka reaguar në lidhje me akuzat e kreut të Inspektoriatit të Lartë të Deklarimit dhe Kontrollit të Pasurive, Adriatik Llalla, i cili tha se shumë raste të dyshuara për korrupsion janë pushuar nga ana e prokurorisë pa prova bindëse.

Sipas prokurorisë, akuzat e Lllallës janë të pabaza, sepse institucioni që ai drejton ka çuar në prokurori vetëm dosjet e 18 të dyshuarve, pjesa më e madhe e të cilëve zyrtarë të profilit të ulët, si kryetarë komunash apo doganierë.

“Nga këto kallëzime 6 kanë qene për kryetarë komunash, 2 për doganierë, 3 për ish doganierë, 1 ish deputet, 1 ish zevendës ministër, 2 punonjes nga drejtoria e Tatimeve, 1 punonjes nga Ministria e Transporteve, 1 regjistrues i Pasurive të Paluajtshme, 1 ish përmbarues.

Nga këto 18 raste të paraqitura, në 5 prej tyre është vendosur mosfillim i procedimit penal sepse, nuk ishin konsumuar masat administrative më parë nga vetë ILDKP,  (për rastet kur subjektet nuk kishin pranuar të deklaronin pasurinë e tyre), parakusht i domosdoshëm për ushtrimin e ndjekjes penale.

Mbi këtë bazë janë regjistruar 13 procedime penale nga të cilat, 9 janë çuar për gjykim duke u ngritur akuzat ndaj zyrtareve te kallzuar, 3 janë pushuar dhe 1 është ende nën hetim”, thuhet në deklaratën e prokurorisë.

Prokuroria ka kërkuar nga ILDKP që të paraqesë më shumë prova dhe fakte ndaj zyrtarëve të përfshirë në korrupsion dhe të merret me hetimin e zyrtarëve të nivelit të lartë, jo kryetarë komunash apo doganierë.

“Duke garantuar publikun për vendosmërinë  e saj në luften kundër korrupsionit si një nga fenomet më negative të shoqërise shqiptare,   Prokuroria Shqiptare fton Inspektoriatin e Deklarimit të Pasurive të fokusojë hetimin e tij administrativ drejt pasurive të zyrtarëve të nivelit të lartë të administratës publike duke plotësuar në këtë mënyrë një nga detyrat që opinioni i BE për Shqipërinë në marrjen e statusit të vendit kandidat, ka përcaktuar për institucionet shtetërore në vend. Në këtë mënyrë të gjitha institucionet shqiptare kanë shansin të demonstrojnë  seriozisht vullnetin e përbashkët për të luftuar këtë fenomen në ushtrim të funksioneve ligjore respektive dhe duke mbajtur dhe përgjegjësitë përkatëse.

Përpjekjet për ta  kaluar përgjegjësinë mbi institucione të tjerë nuk është tjerër veç devijim nga lufta kundër fenomenit shqetësues të korrupsionit në administrate”, thuhet në njoftimin e prokurorisë.

Berisha zgjedh mes Qirje Pollos dhe Spahiut, për të joshur Brukselin

20:54 Politika

“Të ashtuquajturat revolucione ishin të përgatitura nga nomenklatura komuniste”

19:59 Politika

Haxhinasto akuzon “Trojkën Evropiane" për mbështetje të Edi Ramës

17:46 Politika

Protesta e minatorëve, pezullohet pjesërisht leja për ACR

16:51 Politika

Rama letër Eshton-Fyle: Të adresohet vjedhja e zgjedhjeve te përgjegjësit

15:30 Politika

Berisha sulmon Topin dhe Spahiun: Janë mjeranë, pa identitet e pa Zot. Asnjë fjalë për BE-në

13:43 Politika

Dilemat e Idrizit

13:15 Politika

Kreu i OSBE: Të nisë sa më shpejt dialogu politik. Duhet një axhendë e gjerë reformash

12:59 Politika

Kjo është gruaja e Rupert Murdoch që bën kung fu (FOTO +VIDEO)

12:51 Politika

Kush e politizoi mbledhjen e djeshme të KLD?

11:44 Politika