Te fundit
Minatorët akuzojnë: Kjo nuk është Shqipëria që u premtua në Dhjetor të 1990
5 Gusht 2011, 22:32Blog
TEMA
Nga Alfred Vicishta
Shqipëria dhe ne të gjithë bashkëatdhetarët që jetojmë jashtë vendlindjes i kemi drejtuar sytë tek Bulqiza heroike, ku minatorët janë futur në grevë për paga më të mira, me të cilën të kenë mundësi të ushqejnë familjen dhe kushte të sigurta pune. Kjo kërkesë minimale vellezërve të mij duhej t’ju ishte ploteëuar menjëherë. Por kanë kaluar 11 ditë dhe kemi vetëm heshtje të firmës sipërmarrëse, heshtje të qeverise, heshtje të deputetëve dhe heshtje të socialistëve. Gjendja e tyre shëndetësore sa vjen e bëhet më e rrezikshme dhe situata mund të dalë jashtë kontrollit. Keqardhja nuk mjafton për të përkrahur kërkesat e grevistëve, por duhet një solidaritet mbarëshqiptar, nga Kalimashi i Kukësit në Rubik të Mirditës, në Selenicë të Vlorës, në mbarë vendin. Ata burra nuk kanë hyrë në grevë vetëm për interesat e tyre personale, ata TRIMA kanë hyrë për të mbrojtur dinjitetin e shqiptarëve që po nëpërkëmbet nga firmat e huaja, të cilat po na mashtrojnë, vjedhin dhe tallin. Ata burra HERONJ akuzojnë Berishën e qeveritarët tanë të majmur që kanë shitur pasuritë e popullit. Ata MARTIRE po i tregojnë gjithë shqiptarëve se OPOZITA jonë mjerane është e pafuqishme për të mbrojtur interesat e këtij vendi. Ata minatorë të NDERSHEM akuzojnë politikanet tanë për papërgjegjësinë për fatet dhe të ardhmen e atdheut tonë, në të cilin po ndërtohet një kapitalizëm GJAKATAR dhe i pamëshirshëm. Ata burra të THJESHTE po i tregojnë tanë shqiptarëve se thika ka vajtur në palcë dhe se kjo nuk është Shqipëria që u premtua në dhjetor të viti ‘90. Nuk duhet t’i lëmë vetëm këta djem dhe burra që po sakrifikojnë jetën e tyre për të na ndërgjegjësuar ne të gjithëve se ky sistem që po ndërtohet në Shqipëri nuk është aspak DEMOKRATIK. Sot kemi shansin e madh të trondisim themelet e këtij sistemi të korruptuar, të ndërtuar mbi shfrytëzimin e popullit të varfër nga një grup i vogël SHUSHUNJASH që po privatizojnë dhe gllabërojnë pasuritë kombëtare. Shqipëria nuk është as e Berishës, as e Ramës, atdheun tonë e kemi dhuratë nga të parët tanë dhe duhet tua lëmë trashëgim brezave që vijnë. Prandaj kanë hyrë vëllezërit tanë në grevë, për t’i thënë ndal dorës gjakatare të 21 Janarit, dorës që vodhi votat e 8 Majit, dorës që i fali detin Greqisë, asaj dore që po mban peng integrimin e vendit në Bashkimin Europian. Ata kanë hyrë në grevë për tu thënë, ZGJOHUNI nga gjumi ju që e quani veten socialistë, se këtu po ndërtohet një shoqëri e frikshme. Vëllezërit e mi po kërkojnë të drejtat më elementare që i kanë të garantuara me Kushtetutë, që janë e drejta për të jetuar, punuar dhe rritur fëmijët, e drejta për të qenë të siguruar, e drejta për të gëzuar ca vite pensioni. Mos i braktisim ata shpirtra të vuajtur, por të solidarizohemi për të ndrequr padrejtësitë që po na bëhen. Shqipëria jone dhe Bulqiza ime është mbushur me duar që lypin dhe sy që vajtojnë, ndërkohë që ajo tokë e bekuar mban në gjirin e saj thesare të mëdha.
3 komente në “Minatorët akuzojnë: Kjo nuk është Shqipëria që u premtua në Dhjetor të 1990”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te lumte dora Alfred Vicishta! Ke shprehur cfare shume njerez ndjejne. Opozita, mbare populli shqipetar, rinia shqipetare duhet te solidarizohen me minatoret e Bulqizes. Kjo qe po ndodh eshte nje testim per shkallen patriotike dhe demokratike te shqipetareve.
Ke te drejte Alfred. Ti ke shkruar me germa,ate qe shume vete e mendojne. Por kaq. Ketu qendron e keqja e madhe. E imja dhe e jotja dhe e te tereve ne bashke. Sa te mire jemi ne konstatime,aq te rende e gjumashe behemi kur vjen puna per te vepruar. Veprimi do organizim dhe shpirt luftarak,jo teori. Sado e mire teoria,nese nuk i sherben praktikes,nuk vlen. Te uroj per shkrimin.
………….Shqipëria nuk është as e Berishës, as e Ramës, …………..
Bravo Alfredi!,vazhdo te vesh shenjen e barazimit midis BARBARIT berisha dhe Rames,mbylli syte forte dhe prit ndryshimet spektakolare ne te ardhmen,pas shkrimit tat profetik.
He,Alfredi,se mos harroj 1 variant tjeter te fjalise se mesiperme te shkeputur nga Hartimi yt:………….Shqipëria nuk është as e Berishës, as e Ramës, …………..,biles Une (d.m.th.,Ti) mendoj se heshtja e Rames eshte edhe me e Keqe(dhe ketu Ti i nderuar rreshton ”argumentat” e pafund kunder tij) se kokfortesia e berishes(i cili megjithese eshte me i Lig se Ligesia,prape eshte dora jone nga veriu)……..
Injorance e ricikluar ne menyren me te perpikte te mundshme,ashtu sikur edhe eshte Historia e kombit tone te menderosur.