Deputetët e PS denoncojnë skandalin e skrapit në Fier, prokuroria nis hetimet

Deputetët e PS-së kanë reaguar në lidhje me skandalin e Azotikut në Fier, skandal i denoncuar prej disa ditë më radhë nga ana e gazetës sonë. Një pjesë e deputetëve të PS-së kanë qenë në fabrikën e Azotikut në Fier, duke u shprehur se babëzia e Ilir Metës dhe Sali Berishës nuk ka fund.

“Çdo ditë, çdo orë, çdo çast, kjo qeveri po provon qartësisht se nuk është fryt i vullnetit të sovranit por pjellë e grabitjes së vullnetit të popullit. Kemi ardhur të shohim nga afër se çfarë po ndodh në Azotikun e Fierit. Media kurajoze kanë nxjerrë në dritë fakte rrëqethëse për një grabitje në mes të ditës, denoncim që ka gjetur si dhe në raste të tjera heshtjen e të akuzuarve. Po çfarë ka ndodhur? Një ankand me fitues të paracaktuar ka vendosur që mbetjet metalore të uzinës të shiten për skrap. Megjithëse komisioni i prokurimit publik vendosi të pezullojë procedurën e ankandit, njerëzit e Sali Berishës dhe Ilir Metës jo vetëm që nuk ndalen, por përkundrazi, ju vërsulen me një shpejtësi marramendëse duke çmontuar dhe transportuar – një zot e di se çfarë sasie”, ka thënë deputeti Eduard Shalsi.

Shalsi u shpreh se pasuria e përbashkët e shqiptarëve nuk po përdoret më për interes publik, por po grabitet për të majmur familjet e njerëzve në krye të qeverisë.

“Babëzia, me të cilën këta njerëz i janë turrur çdo gjëje që u del përpara pa kurrfarë përgjegjësie e turpi, është e paimagjinueshme. Këta njerëz duhen ndalur. Këta njerëz nuk duhen lejuar të sillen me pasuritë publike si të jenë mall pa zot”, tha Shalsi.

Ai tha se vendosja para përgjegjësisë e personave që janë përfshirë në këtë aferë do të fillojë duke i kërkuar llogari ministrit Naço, pa urdhërin dhe bekimin e të cilit, kjo aferë nuk do të mund të ndodhte.

Prokuroria ndërkohë mësohet se ka tërhequr gjithë dokumentacionin e ankandit për shitjen e pajisjeve të uzinës së re të uresë në Fier për skrap.

Marrja e dokumenteve eshte bere pas nisjes se nje hetimi ne lidhje me pretendimet per shkelje te qellimshme ne ankand per te favorizuar kompani te ndryshme. Padia eshte bere ne prokurori nga perfaqesuesit ligjorë te kompanise Cara sh.p.k,te cilet ne ankand u skualifikuan per arsye te ndryshme edhe pse ata kishin nje oferte 57 milione leke me shume se fituesi.

E gjitha sasia e skrapit ne uzinen 212 te Azotikut u shit per 24.6 milione leke. Nderkohe mesohet se edhe protagonistet e gjithe operacionit qe çoi ne shkaterrimin per skrap te uzines do te thirren nga prokuroret. Paditesit kane informuar prokurorine qe sasia e skrapit qe ndodhej ne te vertete ne uzine ishte shume me e madhe se sa ajo qe ka dale ne dokumentat e ankandit.

Gazeta Tema e ka denoncuar prej ditësh këtë skandal, në të cilin është përfshirë kompania Kurum, prapa së cilës qendron Leonard Koka, vëllai i deputetit të LSI-së, Lefter Koka.

Dy dite me pare Leonard Koka eshte pare ne seline e PS ne perpjekje per te blere opoziten te mos fliste rreth skandalit. Dalja publike e PS, eshte pergjigjia e duhur ndaj ketij akti kriminal dhe pazareve te nejrezve te LSI

Majlinda Bregu: Opozita, përgjegjëse për dështimin e Shqipërisë. Ne i bëmë të gjitha detyrat

14:27 Politika

Meta ngushëllon familjen e Ramiz Alisë: Ishte figurë e shquar

13:21 Politika

Tirana 'blindohet' nga një operacion gjigand policor

12:32 Politika

Ramiz Alia, stari i një mbrëmjeje nja 10 vjet më parë

11:34 Politika

Brilant, po, por ai nuk ishte Ajnshtajni!

10:24 Politika

Rezoluta e Këshillit të Europës: Shqipëria t’i japë fund bipolarizimit politik. Në parlament të hyjnë më shumë parti të vogla

09:48 Politika

Ndërron jetë në moshën 86-vjeçare Ramiz Alia

08:08 Politika

Qeveria gënjen për lejet minerare. Për rinovimet merren para nën dorë

21:50 Politika

Opozita: Kjo qeveri është kthyer në një qeveri skrapi

21:30 Politika

Ish- të burgosurit politikë: Plotësoni kërkesat tona ose përshkallëzojmë veprimet

20:44 Politika