Milionerët e politikës në Kosovë!

Biznesmenë të suksesshëm janë edhe zyrtarët më të lartë të institucioneve të Kosovës. Përpos marrjes aktive me politikë, e cila gjë u siguron paga të majme, ministrat e Qeverisë së Kosovës, deputetët e Kuvendit dhe kryetarët e komunave fitojnë shuma të mëdha parash edhe nga bizneset e tyre private, të cilat shpeshherë janë fitues të tenderëve publikë.

Prijnë Kelmendi, Pacolli, Krasniqi

Padyshim në krye të listës që siguron të ardhura më të mëdha nga biznesi privat ndodhet deputeti i partisë opozitare Aleanca për Ardhmërinë e Kosovës (AAK), Ramiz Kelmendi, i cili ka deklaruar fitim të pastër nga kompania “Elkos” në vlere prej më shumë se 9.2 milionë euro.

Kelmendi do të mund të radhitej i dyti në listën e më të pasurve, po qe se ish-presidenti Behgjet Pacolli do t’i deklaronte të ardhurat reale nga të gjitha bizneset e tij.

Pacolli ka deklaruar se ka të ardhura në vlerë prej 400 mijë euro nga bizneset në Zvicër. Pacolli ka deklaruar se i ka 60 për qind të aksioneve në Bankën Ekonomike të Kosovës dhe kompaninë e sigurimeve “Siguria”. Nga Banka Ekonomike ai nuk ka deklaruar fitim, ndonëse ka thënë se merr qira vjetore prej 144 mijë euro.

I treti në listën e më të pasurve ndodhet deputeti i “Vetëvendosjes”, Florin Krasniqi, i cili ka deklaruar pagë nga kompania “Triangle” në Shtetet e Bashkuara të Amerikës, në vlerë prej 700 mijë euro dhe 150 mijë euro të ardhura nga biznesi në Kosovë.

Nga ministrat e Qeverisë Thaçi, Agim Çeku ka deklaruar aksione në “Telekomin kroat”. Ndërsa ministri tjetër i Qeverisë, Nenad Rashiq, ka deklaruar se i ka 20 për qind të aksioneve në biznesin “ N&N Commerce” në Dobrotin, biznes i cili i siguron 3600 euro.

Ministri i Zhvillimit Ekonomik, Besim Beqaj, fiton mirë nga zhvillimi i biznesit privat. Kolegji “Cambridge” në Pejë i siguron Beqës të ardhura prej 18 mijë eurosh.

Bizneset e deputetëve

Shumë deputetë të Kuvendit të Kosovës kanë deklaruar se kanë aksione në biznese të ndryshme, ndonëse shpeshherë janë kritikuar nga përfaqësuesit e shoqërisë civile, se po i fshehin bizneset e tyre.

Deputeti Agim Kuleta ka deklaruar se i ka 50 për qind të aksioneve te biznesi “Fair Play”, i cili i ka siguruar të ardhura në vlerë prej 8400 euro, ndërsa biznesi tjetër “X Print” i ka siguruar 3600 euro të ardhura.

Deputeti i LDK-së, Bahri Thaçi, ka deklaruar të ardhura në vlerë prej 12 mijë euro nga ordinanca private specialisti “Shpëtimi”.

Deputeti i AAK-së, Daut Haradinaj, ka deklaruar se i ka të hyra 1500 euro nga kompania “ERC Trade”.

Deputeti i LDK-së, Hashim Deshishku, ka deklaruar se i ka 51% të aksioneve në kompaninë e sigurimeve “Sigkos”, aksione në instituticionin financiar jo bankar “Lesna” dhe më pak se 3%aksione në bankën sllovene “NLB”.

Kryetarët biznesmenë

Kryetari i Komunës së Gjilanit Qemajl Mustafa, por edhe pesë kryetarë të tjerë të komunave të Kosovës, edhe më tej vazhdojnë të mbajë postin e kryetarve të komunave, por edhe pronarit të kompanive private, ku përmes tenderëve përfitojnë nga fondet publike.

Zyrtarisht kreu i Komunës së Gjilanit, Qemajl Mustafa, ka deklaruar në Agjencinë Kundër Korrupsion (AKK) se është aksionar me 250 mijë euro, apo 15 për qind, në kompaninë “Viva Frutta”, e njohur si fabrika për pjekjen e bananeve në Gjilan.

Në këtë kompani aksionar është edhe Mustafë Shala, pronar i kompanisë “Compact Group”, ku ky i fundit ka marrë tender miliona euro në ndërmarrjen publike “Termokos” në Prishtinë.

Po ashtu, kreu i komunës Mustafa ka deklaruar se është aksionar me 10 mijë euro, apo me 50 për qind edhe në kompaninë “Vision” në Gjilan.

Por, sipas burime të gazetës, kryetari Mustafa është aksionar edhe në një kompani që merret me tregtimin e vajrave, por ka aksione edhe në disa kompani tjera që figurojnë në emër të shokëve dhe miqve të tij. /zëri/

Pushiç: Kroacia do të tërheqë padinë për genocid ndaj Serbisë

19:47 Rajoni

Thaçi: Varrosëm idenë e Serbisë për ndarjen e Kosovës

19:39 Rajoni

Viti 2012, fundi i mbikqyrjes së pavarësisë së Kosovës?

15:46 Rajoni

Bukoshi kritika nderkombetareve per favorizim te Serbise ne negociata

16:44 Rajoni

Serbia: Kosova mund të marrë pjesë në forumet rajonale

12:55 Rajoni

Protestë kundër diskriminimit të shqiptarëve në Mal të Zi

12:50 Rajoni

Drews: Serbët nuk janë armiqtë e mi, por po na hodhën granata, atëherë nuk kanë simpatinë time

12:20 Rajoni

Rroga e Jahjagës dyfish më e madhe se e Tadiçit

13:32 Rajoni

Qeveria: “Targa prej letre” edhe për Serbinë

12:55 Rajoni

“Mercedes” merr vendim: Nuk i shesim makina qeverisë së Kosovës

12:53 Rajoni