Shfaqen maskat, në Qafë-Gjashtë dhunohet dhe grabitet familja

Ngjarja ka ndodhur 30 minuta pas mesnate në familjen Allkushi. Tre të rinj, të maskuar e të armatosur, kanë thyer xhamat e një prej dritareve të banesës private dhe kanë hyrë brenda. Në banesë ndodhej Haki Allkushi, 89-vjeç me bashkëshorten, të cilët kishin pak orë që ishin shtrirë për të fjetur. Një nga grabitësit, ka nisur të dhunojë çiftin e të moshuarve, ndërsa dy të tjerët kanë filluar të kontrollojnë banesën.

Pasi kanë marrë 3 milionë lekë të vjetra dhe një armë gjahu, çifte, ata janë larguar nga porta kryesore e banesës duke lënë të gjakosur çiftin e të moshuarve. Familjarë të tyre, të njoftuar nga vetë ata, kanë transportuar drejt urgjencës “Stefan Mekshi” të Sarandës, Haki Allkushin me bashkëshorten. 89-vjeçari është shtruar në repartin e reanimacionit në gjendje të rëndë, por jashtë rrezikut për jetën. Forca të shumta policore kanë shkuar në vendngjarje dhe kanë nisur hetimet.

Dyshohet se autorët janë banorë të fshatit Gjashtë dhe ndoshta kishin kohë që e studionin banesën për ta grabitur. Për shkak se kanë qenë të maskuar, të moshuarit nuk kanë arritur t`i identifikojnë grabitësit. Policia vazhdon hetimet për ngjarjen, ndërkohë që ka shoqëruar në Komisariat disa persona të skeduar penalisht.

Viti i Ri ka nisur me një serial ngjarjesh të rënda në rrethin e Sarandës. Në ditët e para të 2012-ës janë shënuar disa grabitje e një shpërthim eksplozivi. Një butik u shkatërrua me tritol në qendër të Sarandës, ndërkohë që dy ditë më parë, disa grabitës çanë kufirin shqiptaro-grek e pasi grabitën 88 krerë bagëti në Sajadhë të Greqisë, i sollën ato deri në afërsi të Butrintit./ora-news

Berisha: SHBA duhet të fokusohet nga Azia. Ne, në krah të Amerikës kudo që të jetë e nevojshme

15:59 Politika

PS, homazhe në bulevard më 21 janar për ekzekutimet e 4 demonstruesve

14:45 Politika

Dy jetimë në kërkim të drejtësisë për baballarët

13:17 Politika

Dënohet me vdekje si spiun amerikan, shtohet tensioni SHBA- Iran

12:17 Politika

Servet Pëllumbi: “Për presidentin duhet kuorum me 84 vota”. Por mazhoranca ka një hall tjetër

11:09 Politika

Milionat enigmë të PD-së për lobim në Amerikë

10:58 Politika

Edmond Spaho: Topalli i ka mundësitë të zgjidhet presidente

10:55 Politika

Video Meta- Prifti, eksperti amerikan mori 5 mijë dollarë, ekspertët shqiptarë 35 mijë dollarë

10:50 Politika

Vetëvendosje, përforcime nga Shqipëria për barrikadat e 14 janarit

18:11 Politika

Besnik Mustafaj: Bamir Topi i jep shpresë të djathtës shqiptare

15:36 Politika