Assad, familja e tij dhe miliardat e tyre

Sa të pasur janë Assad-ët? Këtë pyetje ngre revista gjermane ‘Der Spiegel’ në një artikull të saj. Natyrisht të dhënat nuk janë shumë të qarta. Në vitin 2006 një ekspert izraelit për Sirinë thoshte se ata kanë 3 miliard dollarë pasuri. Agjencia jordaneze Albawaba thotë se ata peshojnë rreth 40 miliard dollarë, që do thotë tre herë më shumë se volumi vjetor i eksporteve në vend. Kurse Canadian Business Online shkon më tej kur thotë se Assad-ët kanë pasuri 122 miliard dollarë.

Për krahasim: themeluesi i Facebook, Mark Zuckerberg vlerësohet me një pasuri prej 18 miliard dollarë.

Por klani i tyre nuk ka qenë kurrë kaq i pasur. Hafis Al Assad, patriarku i klanit, u lind në vitin 1930 si biri i një familje të varfër, që i përkiste minoritetit fetar alavit. Ishte i pari nga familja që bëri një shkollë të lartë. Karriera e tij ishte e shpejtë, 16 vjeç u fut në parti, 22 vjeç në shërbimin ushtarak dhe 12 vite më vonë ishte gjeneral. Në vitin 1971 me puç shteti arriti në krye të Sirisë. Nuk e lëshoi pushtetin deri në vdekjen e tij në vitin 2000 dhe më pas vendosi t’ia linte atë të birit, Basharit.

Në total klani i Assad-ëve shkon deri në mijëra. Rrjeti i nepotizmit është shumë i përhapur. Sipas agjencisë Albawaba, vetë presidenti Bashar Al Assad ka një pasuri prej 2 miliard dollarë, të vendosur në Zvicër në llogari bankare. Një sirian fiton mesatarisht 200 dollarë në muaj. Ekspertët mendojnë se Bashar është përfshirë në afera përpara se të vdiste babai i tij. Bëhet fjalë për pastrim parash, për të cilat Bashar merrte një komision prej 25 përqind.

Por më i pasuri i klanit mendohet se është Rami Makhluf, kushëri i Basharit. Nëna e tij ishte motra e Hafizit, patriarkut të klanit. SHBA dhe BE kanë vendosur ndaj tij sanksione për shkak të mënyrës se si e ka bërë pasurinë.

Sipas Financial Times, Makhluf kontrollon 60 përqind të ekonomisë së Sirisë. Pseudonimi i tij është ‘zotëria 5 përqind’. Kjo do të thotë se askush nuk bën dot biznes në Siri pa i dhënë atij pjesën. Gazeta franceze Le Monde thotë se pasuria e tij është 6 miliard dollarë.

Ka në pronësi një kompani të telefonisë së lëvizshme, hotele luksozë, restorante, imobiliare, linjën e parë private ajrore në Siri, rrjete supermarketesh, aksione në banka, në kompani sigurimesh, rrjete televizive, shkolla private si dhe monopolin në importin e cigareve në Siri.

Nga investimet e huaja nuk përfituan kurrë qytetarët, por vetëm një dorë njerëzish. Problemi që lind tani është se Siria ka nevojë të dëshpëruar për të reformuar ekonominë. Ekspertët vlerësojnë se në vitin 2015 Siria do të duhet të importojë naftë, në vend që të eksportojë. Se me çfarë do jetojë më pas vendi, nuk dihet. Asgjë tjetër nuk prodhohet për eksport.

Prokuroria nis procedim për tre persona, premtonin ndërhyrje në Gjykatën e Lartë

11:41 Politika

Kryeministri rumun jep dorëheqjen pas protestave anti- qeveritare: E bëj për të shfryrë tensionin social e politik

11:34 Politika

Abdiu: Sulmet ndaj kryeprokurores, të dënueshme moralisht, por edhe ligjërisht

11:27 Politika

Ish- i dashuri i Çiljetës dhe dy punonjës të Ministrisë së Brendshme vjedhin 250 milion lekë cigare

11:07 Politika

Turisti Basha vazhdon vizitën në SHBA, shpenzime luksoze nga paratë e taksapaguesve

10:57 Politika

Një vit nga vdekja e Aleks Nikës, Rama: Ecuria e hetimit, lehtësim për shpirtrat e tyre

15:18 Politika

“Ndrea Prendi qëlloi i pari, pas tij Llupo dhe ‘grupi i zjarrit’”

15:17 Politika

Aleanca Kuq e Zi: Jo ndarje të Kosovës! Nuk i shërben stabilitetit

15:16 Politika

Berisha: Rritja ekonomike e Shqipërisë në 4 vjet, 18%

15:13 Politika

Rama: Berisha po turpëron Shqipërinë me marrëzinë e tij

15:09 Politika